Уруш тугаганидан сўнг Фаластиннинг нормал ҳаётга қайтиши учун 15 йил керак бўлади. Бу ҳақда Бағдодда Фаластин миллий иқтисодиёт вазири Муҳаммад ал-Амур маълум қилди.
Ироқ ахборот агентлигининг хабар беришича, Муҳаммад Ал-Амур панараб ташкилотининг 34-саммити арафасида ўтказилаётган Араб давлатлари лигаси (АDL) иқтисодий ва ижтимоий масалалар бўйича кенгаши йиғилишида сўзга чиққан.
“Исроил билан уруш тугаганидан кейин нормал ҳаётга қайтишимиз учун 15 йил зарур бўлади. Ҳозирги вазиятга қарамай, фаластинликлар матонат кўрсатмоқда. Оккупация қанча давом этмасин, халқимиз мағлуб бўлмайди”, дейди ал-Амур.
Унинг таъкидлашича, вужудга келган вазиятга қарамай, фаластинликлар матонат намойиш этмоқда. Фаластин халқи босқинчилик қанча давом этмасин, мағлуб бўлмайди.
“Ғазо геноцидга дучор бўлмоқда. Гуманитар ёрдам ортилган минглаб юк машиналари Исроил томонидан секторга киритилмаяпти. Шу билан бирга, дунё Ғазодаги қирғинларни жим кузатмоқда. Иордан дарёсининг Ғарбий қирғоғида 1 мингдан ортиқ Исроил назорат-ўтказиш пунктлари жойлашган бўлиб, бу иқтисодиётни вайрон қилмоқда”, Фаластин миллий иқтисодиёт вазири.
Унинг маълумотларига кўра, Ғарбий Қирғоқ ва Ғазо секторида ишсизлик даражаси 51 фоизга етган.
2025 йил 2 мартдан бери Ғазо секторига гуманитар ёрдам етказилмаяпти, Исроилнинг қарори билан барча назорат-ўтказиш пунктлари ёпиқ ҳолда қолмоқда.
18 март куни Исроил армияси секторда ҳарбий ҳаракатларни қайта бошлаб, унга кенг кўламли зарбалар берди ва шу билан жорий йилнинг январь ойида ўрнатилган тинчлик режимини бузди. Бош вазир Биньямин Нетаньяху идораси буни ҲАМАСнинг музокараларда воситачилар ва АҚШ президентининг махсус вакили Стивен Уиткофф томонидан билдирилган таклифларни рад этгани билан изоҳлади ва Ғазодаги операциянинг мақсади барча гаровга олинганларни озод қилиш эканини таъкидлади. Радикал кучлар ҳарбий ҳаракатларнинг қайта бошланиши учун жавобгарликни Исроил ва АҚШ зиммасига юклади.
Изоҳ (0)