Исроилнинг Вашингтондаги элчихонасининг икки ходимини ўлдиришда гумон қилинаётган шахсга ўлим жазоси берилиши мумкин. Бу ҳақда Федерал қидирув бошқармаси ҳужжатларига асосланиб Fox News телеканали маълум қилди.
Гумонланувчи Элиас Родригесга чет эллик амалдорларни ўлдириш айби қўйилган бўлиб, бу жиноят ўлим жазоси билан жазоланади. Шунингдек, у ўқотар қуроллар билан боғлиқ бир нечта ҳодисаларда ва икки кишини қасддан ўлдиришда ҳам айбланмоқда.
Ўлдирилганлардан бири, Ярон Лишчинский, Исроил фуқароси эди. Иккинчи қурбон — Сара Милгрим эса Исроил элчихонасида ишлаган.
21 май куни Вашингтон штатидаги яҳудий музейи олдида Исроил элчихонасининг икки ходими отиб ташланди.
Маълум қилинишича, қурбонлар ёш жуфтлик бўлиб, яҳудий музейидаги тадбирни тарк этаётганда отиб ташланган. Полиция отишма аввалдан режалаштирилгани ва мақсадли бўлганини маълум қилган. Отишма содир этишда гумонланган 30 ёшли чикаголик Элиас Родригес қўлга олинган. У ҳужумдан кейин “эркин, озод Фаластин”, деб қичқирган.
Исроилнинг АҚШдаги элчиси Ехиел Леитер қурбонлар оила қуришни режалаштирганини айтган. АҚШ президенти Дональд Трамп қотилликка антисемитизм сабаб бўлганини тахмин қилган.
Антисемитизмга асосланган Вашингтондаги бу даҳшатли қотилликларига чек қўйиш керак! АҚШда нафрат ва радикализмга ўрнига йўқ. Ҳалок бўлганларнинг оилаларига чуқур таъзия билдираман. Бундай воқеалар содир бўлиши жуда ачинарли! Яратган барчангизни асрасин! деб ёзган у Truth Social ижтимоий тармоғида.
Изоҳ (0)