Трамп АҚШ импортига янги божларни эълон қилишга тайёрланмоқда. Бу сафар фармацевтика маҳсулотлари импортига божлар жорий қилиш режалаштирилган.
Бу ҳақда АҚШ президенти Дональд Трамп президент самолёти бортидаги матбуот анжуманида маълум қилган.
Унинг айтишича, яқин орада янги божлар ҳақида расман эълон қилинади. Трамп ушбу чора дори ва фармацевтика маҳсулотлари ишлаб чиқаришни АҚШга қайтаришга қаратилганини таъкидлади.
“Бу чоралар фармацевтика компаниялари, дори ишлаб чиқарувчилар ишлаб чиқаришни мамлакатимизга кўчиришлари учун етарли бўлади. Мен COVID-19 даврида бўлгани каби, бу борада бошқа мамлакатларга таянишни хоҳламайман”, деди Трамп.
Шу билан бирга, Америка президенти қўшимча қилганидек, у фармацевтика маҳсулотларини ишлаб чиқарадиган бошқа давлатлар билан, масалан, Британия билан тарифлар бўйича битимлар тузишга тайёр, аммо бу келишувлар АҚШга фойда келтириши керак.
Аввалроқ Халқаро валюта жамғармаси (ХВЖ) АҚШ президенти Дональд Трамп маъмурияти томонидан жорий этилаётган божхона тўловларининг хорижий маҳсулотларга таъсирини баҳолаётгани ҳақида хабар берилганди.
Жамғарма расмий вакили Жули Козак таъкидлашича, Канада ва Мексика товарларига қўйилган Америка божлари бошқа минтақалар ва мамлакатлар гуруҳларига сезиларли салбий таъсир кўрсатиши мумкин.
Изоҳ (0)