Европа Комиссияси 13 апрелдан бошлаб Европа иттифоқи АҚШ товарларига 28 миллиард долларлик божлар жорий этишини маълум қилди. Европа иттифоқи раиси Урсула фон дер Ляйен бу билан ўз истеъмолчилари ва тадбиркорларини ҳимоя қилиш учун ҳаракат қилаётганини таъкидлади. Бу ҳақда Reuters хабар берди.
АҚШ президенти Дональд Трампнинг барча пўлат ва алюминийга 25 фоизли кенг қамровли божлари глобал савдо урушини авж олдирди. Шунга қарамай, Европа иттифоқи раҳбари музокаралар учун очиқ қолишини ва юқори тарифларни ҳеч кимнинг манфаатига мос келмаслигини айтди.
“Бугун биз қўллаётган қарши чоралар кучли, аммо мутаносибдир. АҚШ 28 миллиард долларлик божлар жорий этаётган экан, биз ҳам бунга худди шу миқдордаги қарши чоралар билан жавоб бермоқдамиз”, деди Урсула фон дер Ляйен.
Янги чоралар 18 миллиард евро атрофидаги товарларга қаратилган. Жорий қилинган божлар қайиқлардан тортиб бурбон вискиси ва мототциклларгача бўлган маҳсулотларга тааллуқли бўлиб, Европа иттифоқи бошқа маҳсулот тоифаларини танлаш учун икки ҳафталик маслаҳатлар жараёнини бошлашини маълум қилди.
“Европа Иттифоқи чораларининг умумий қиймати АҚШнинг янги тарифлари таъсиридаги савдо қийматининг ошишига мос келишини таъминлашдир”, деди Европа иттифоқи.
Фон дер Ляйен музокараларга доим очиқлигини таъкидлади:
Трамп санкциялари
Трамп 2025 йилнинг март ойидан бошлаб Хитойдан олиб келинадиган маҳсулотларга 10 фоиздан дан 20 фоиз гача бўлган божларни жорий этди.
Шунингдек, Трамп 4 мартдан бошлаб Мексика ва Канада товарларига ҳам 25 фоизлик божларни жорий қилди. Лекин кейин 2020 йилги “Америка Қўшма Штатлари-Мексика-Канада” савдо келишуви сабаб қарорнинг ижро этилиши 2 апрелгача чўздирилди.
Бундан ташқари президент барча мамлакатлардан импорт қилинадиган алумни ва пўлатга ҳам 25 фоизлик божлар белгилади. Қарор қайси санадан кучга кириши ҳақида изоҳ берилмаган.
Изоҳ (0)