АҚШ президенти Дональд Трамп мамлакатдаги суд тизимини текшириш зарурлигини таъкидлаб, Америка пойтахти Вашингтон ва Нью Йоркдаги судларни энг коррупциялашган ва радикал судлар деб баҳолади.
“Мамлакатимизнинг кўплаб ҳудудларида суд тизими ишдан чиққан, Нью Йорк ва Вашингтон эса коррупция ва радикализм бўйича пешқадамлик қилмоқда. Кеч бўлмасидан олдин ушбу сохталаштирилган тизимни зудлик билан текшириш лозим!”, дея Трамп ўзининг Truth Social ижтимоий тармоғидаги саҳифасида ёзган.
Америка раҳбари, хусусан, муҳожирларни АҚШдан оммавий депортация қилишни тўхтатиш ва улар билан барча рейсларни қайтаришни буюрган судья Жеймс Боасбергни “ўта адолатсиз” деб баҳолаган.
“Судья Жеймс Боасбергнинг мен билан боғлиқ тўртинчи ишни қўлга киритгани қандай шармандалик! Бу статистик жиҳатдан имконсиз”, дея таъкидлади Трамп.
“Колумбия пойтахти округининг бош судьяси бўлган Боасберг, гарчи бундай бўлмаслиги керак бўлса-да, “Трампнинг барча ишларини” гўё ўзига олиб қўяётганга ўхшайди. Судьялар ўртасида ишларни тасодифий тақсимлаш тизими ҳали ҳам мавжудми? Эҳтимол, бунинг энди аҳамияти йўқ, чунки мен учун Вашингтонда адолатли суд қарорини олиш деярли имконсиз”, дейди Америка раҳбари.
Изоҳ (0)