25 март куни Эрон терма жамоаси Жаҳон чемпионати—2026 йўлланмасини қўлга киритди. Жамоа Ўзбекистон билан 2:2 ҳисобида дуранг ўйнаб, 20 очко билан муддатидан аввал мусобақа финал босқичига йўлланма олди. Аммо форслар АҚШ билан низо сабаб мусобақада қатнаша олмаслиги мумкин.
Сабаби мамлакат АҚШнинг “қора рўйхати”га киритилган бўлиб, бу терма жамоанинг штатларда ўйин ўтказишида муаммолар туғдириши мумкин. Айниқса, плей-офф босқичининг катта қисми айнан АҚШда ўтиши режалаштирилган. FIFA аллақачон мезбон жамоа билан ушбу масалани ҳал этиш бўйича музокаралар олиб бормоқда.
Худди шундай вазият Венесуэла билан ҳам кузатилмоқда. Ушбу мамлакат ҳам АҚШнинг “қора рўйхати”да бўлиб, илк бор Жаҳон чемпионатига йўлланма олиш учун жиддий кураш олиб бормоқда. Ҳозирда Венесуэла Жанубий Америка саралашида еттинчи ўринда бормоқда ва плей-офф йўлланмаси учун яхши имкониятга эга.
Агар АҚШ ҳукумати чекловни бекор қилмаса, бу катта можаро келтириб чиқариши мумкин. Эрон ва Венесуэланинг мундиал иштирокчилари орасидан чиқиши футбол тарихида мисли кўрилмаган ҳолат бўлади ҳамда халқаро миқёсда кенг муҳокамага сабаб бўлиши аниқ.
Изоҳ (0)