Жаҳон соғлиқни сақлаш ташкилоти ҳисоб-китобларига кўра, ҳаво ифлосланиши туфайли ҳар йили 7 миллионга яқин одам вафот этади. Глобал иқлим ва соғлиқни сақлаш альянси компанияси раҳбари Швета Нараянинг айтишича, юқори ифлосланиш даражасини қайд этган ҳудудлар кўмир, нефть ва газдан энг кўп фойдаланиши маълум бўлди. Бу ҳақда Associated Press хабар берди.
Швейцарияда жойлашган IQAir маълумотлар базаси 138 мамлакатдаги 40 000 та ҳаво сифати мониторинги станцияларини таҳлил қилди. Маълумотларга кўра, Чад, Конго, Бангладеш, Покистон ва Ҳиндистон энг ифлос ҳавога эга эканлигини аниқлади. Ҳиндистон энг ифлосланган тўққиз та шаҳардан олтитасига эга бўлиб, мамлакат шимоли-шарқидаги Бирниҳат энг ифлосланган шаҳар сифатида қайд этилди.
Мутахассисларнинг фикрича, дунёнинг кўплаб қисмларида аниқроқ маълумотлар учун зарур бўлган мониторинг йўқлиги сабабли, ҳаво ифлосланишининг ҳақиқий миқдори анча юқори бўлиши мумкин. Масалан, Африкада ҳар 3,7 миллион кишига битта мониторинг станцияси тўғри келади.
Жаҳон соғлиқни сақлаш ташкилоти дунё аҳолисининг 99 фоизи зарарли ҳаводан нафас олишини маълум қилганди. Бугунги кунда муаммога қарши курашиш учун ҳаво сифати мониторлари кўпроқ ўрнатилмоқда.
Мутахассислар 2025 йилда ҳаво ифлосланишини яхшироқ кузатиш бўйича саъй-ҳаракатлар натижасида 8 954 та ҳаво сифати мониторинги станцияси ҳақида маълумотларни базага киритишга муваффақ бўлди.
“Ифлосланган ҳаводан узоқ вақт давомида яшаш нафас йўллари касалликлари, алсгеймер ва саратон касаллигини келтириб чиқариши мумкин”, деди Малайзияда жойлашган Sunway сайёра саломатлиги марказининг бош олими Фотима Аҳмад.
Фотима Аҳмад ҳаво ифлосланиши даражасини камайтириш учун ҳали кўп ишлар қилиш кераклигини таъкидлади.
“Сувингиз ёмон бўлса ёки йўқ бўлса, одамларга кунига ярим соат кутинглар, деб айтсангиз, сув келади. Аммо сизда ҳаво ёмон бўлса, одамларни нафас олишни тўхтатишга мажбурлаб бўлмайди” , деди у.
Изоҳ (0)