Тошкент ҳавосидаги ПМ2,5 зарралари миқдори ЖССТ тавсияларидан 18,7 баробарга ошиб кетди

Тошкент ҳавосидаги ПМ2,5 дисперсли заррачаларининг миқдори 3 январь куни соат 08:00 ҳолатига кўра, (0,001 дан 2,5 микрометргача) 67,5 мкг/м3 ни ташкил этди — бу Жаҳон соғлиқни сақлаш ташкилоти тавсияларидан 18,7 баробар кўп. Бу ҳақда “Ўзгидромет” автоматик ҳаво мониторинги станциялари маълумотларига таяниб, хабар берди.

Соат 04:00 да бу кўрсаткич “Ўзгидромет” ҳудудида (Юнусобод тумани) 87,5 мкг/м3 ни ташкил қилган. 2 январь соат 20:00 да ПМ2,5 кўрсаткичи 38,7 мкг/м3 ёки ЖССТ тавсияларидан 7,7 баравар юқори бўлган, шу куни соат 08:00 да – 45,9 мкг/м3 ни (9,1 марта) ташкил этган.

Чоршанба куни соат 08:00 да ПМ10 зарраларининг таркиби 112,2 мкг / м3 ни ташкил этган, у SanEQvaN 0293−11 (500 мкг/м3) бўйича рухсат этилган максимал концентрациядан ошмаган.

Углерод оксиди CО (автомобиллар ва саноат корхоналари чиқиндилари) 1,9 мг/м3 ни ташкил этган, бу ҳам SanEQvaN 0293−11 (5 мг/м3) бўйича рухсат этилган максимал концентрациядан ошмаган.

IQAir веб-сайтида соат 08:00 ҳолатига кўра, пойтахт ҳавоси ифлосланиш бўйича дунёда 10-ўринни эгаллади.

Эслатиб ўтамиз, 11 сентябрь куни соат 15:00 ҳолатига кўра, Тошкент ҳавоси дунёнинг йирик шаҳарлари орасида ифлосланиш рейтингида 7-ўринни эгаллаганди. Санепидқўмита чангли ҳавода қилиш керак бўлган қатор тавсиялар берган.