Стресс ва депрессия “ўчоғи”га айланиб қолган шаҳар: Тошкент ҳавоси ифлосланишининг сабаб ва оқибатлари

Бир неча йил олдин Тошкент шаҳрида бошланган оммавий қурилиш ишлари шаҳарнинг жозибасини тубдан яхшилаши билан бирга, бир нечта жиддий экологик муаммоларни келтириб чиқарди. Уларнинг энг оғири — ҳавонинг ифлосланиши. Маълумотларга кўра, пойтахтда ҳар йили 3042 нафар инсон ПМ-2.5 дисперс заррачаларининг атмосферада кўпайиб кетиши оқибатида бевақт ҳаётдан кўз юмади. Ушбу мақолада пойтахт ҳавосининг ифлосланиш сабаблари, унинг оқибатида инсон саломатлигига етадиган зарарлар, келтириб чиқариши мумкин бўлган турли касалликлар, мутахассисларнинг фикр-мулоҳазалари ва таклиф этилган ечимлари ҳақида ўқийсиз