Jahon sog‘liqni saqlash tashkiloti hisob-kitoblariga ko‘ra, havo ifloslanishi tufayli har yili 7 millionga yaqin odam vafot etadi. Global iqlim va sog‘liqni saqlash alyansi kompaniyasi rahbari Shveta Narayaning aytishicha, yuqori ifloslanish darajasini qayd etgan hududlar ko‘mir, neft va gazdan eng ko‘p foydalanishi ma’lum bo‘ldi. Bu haqda Associated Press xabar berdi.
Shveytsariyada joylashgan IQAir ma’lumotlar bazasi 138 mamlakatdagi 40 000 ta havo sifati monitoringi stansiyalarini tahlil qildi. Ma’lumotlarga ko‘ra, Chad, Kongo, Bangladesh, Pokiston va Hindiston eng iflos havoga ega ekanligini aniqladi. Hindiston eng ifloslangan to‘qqiz ta shahardan oltitasiga ega bo‘lib, mamlakat shimoli-sharqidagi Birnihat eng ifloslangan shahar sifatida qayd etildi.
Mutaxassislarning fikricha, dunyoning ko‘plab qismlarida aniqroq ma’lumotlar uchun zarur bo‘lgan monitoring yo‘qligi sababli, havo ifloslanishining haqiqiy miqdori ancha yuqori bo‘lishi mumkin. Masalan, Afrikada har 3,7 million kishiga bitta monitoring stansiyasi to‘g‘ri keladi.
Jahon sog‘liqni saqlash tashkiloti dunyo aholisining 99 foizi zararli havodan nafas olishini ma’lum qilgandi. Bugungi kunda muammoga qarshi kurashish uchun havo sifati monitorlari ko‘proq o‘rnatilmoqda.
Mutaxassislar 2025-yilda havo ifloslanishini yaxshiroq kuzatish bo‘yicha sa’y-harakatlar natijasida 8 954 ta havo sifati monitoringi stansiyasi haqida ma’lumotlarni bazaga kiritishga muvaffaq bo‘ldi.
“Ifloslangan havodan uzoq vaqt davomida yashash nafas yo‘llari kasalliklari, alsgeymer va saraton kasalligini keltirib chiqarishi mumkin”, dedi Malayziyada joylashgan Sunway sayyora salomatligi markazining bosh olimi Fotima Ahmad.
Fotima Ahmad havo ifloslanishi darajasini kamaytirish uchun hali ko‘p ishlar qilish kerakligini ta’kidladi.
“Suvingiz yomon bo‘lsa yoki yo‘q bo‘lsa, odamlarga kuniga yarim soat kutinglar, deb aytsangiz, suv keladi. Ammo sizda havo yomon bo‘lsa, odamlarni nafas olishni to‘xtatishga majburlab bo‘lmaydi” , dedi u.
Izoh (0)