“Ўзгидромет” хабарига кўра, бугун, 9 май куни шимол ва водийда ёғингарчилик кутилмайди. Бошқа ҳудудларда ёғингарчилик бўлиши прогноз қилинмоқда. Ёғинлар баъзи ҳудудларда кучли бўлади.
Кучли ёғинлар ёғишидан олдин баъзи ҳудудларда кучли шамоллар, чанг тўзонлари кўтарилиши мумкинлиги қўшимча қилинган эди.
Сурхондарёда чанг бўрони
Сурхондарё вилоятининг Термиз шаҳрига тонгда жануби-ғарбдан чанг массаси кириб келган. Термизда кучли шамол (халқ тилида “афғон шамоллари”) ва кучли чанг бўронлари кузатилган.
Кўриниш масофаси тахминан 100-200 метргача кучли чекланган.
Кучли чанг бўрони натижасида Термизда PМ2.5 ва PМ10 майда дисперс заррачалари билан боғлиқ ифлосланиш ҳаддан ташқари ортиб кетган.
“Ўзгидромет” платформасига биноан, соат 12:00 да Термизда PМ2.5 майда дисперс заррачалари билан боғлиқ хавф ЖССТ талаблари бўйича рухсат этилган меъёрдан ҳаддан ташқари ортиб кетган.
PМ10 майда заррачалар миқдори ҳам миллий стандартлар бўйича суткалик рухсат этилган меъёрдан ортиб кетгани учун масъул тузилмалар аҳолига ўз тавсияларини бериб ўтиши лозим, — деди иқлимшунос Эркин Абдулаҳатов.
Қашқадарёда шамол
Қашқадарё вилоятининг кўплаб туманларида тунда эсган кучли шамол ҳудудларда дарахтлар, носоз электр таянч устунлари қулаши ҳамда айрим ҳудудларда номустаҳкам томларни учириб кетган.
Маълумот учун, бугун ҳаво ҳарорати 29 даражагача, баъзи ҳудудларда 32 даражагача кўтарилади.
Изоҳ (0)