Бутун дунёдаги атиги 10 та давлат ҳаво сифати бўйича глобал стандартларга жавоб беради — IQAir

2023 йилда дунё бўйлаб бор-йўғи ўнта мамлакат ва ҳудудда ҳавони ифлослантирувчи ПМ2.5 даражаси глобал соғлиқни сақлаш стандартларига жавоб берди.

Бундай маълумотлар Швейцариянинг IQAir тадқиқот ташкилотининг ҳаво сифати бўйича йиллик ҳисоботида келтирилган. Жами 134 та давлат ва 7 812 та шаҳарда ҳавонинг ифлосланиш даражаси баҳоланди.

IQAir таъкидлаганидек, ҳаво ифлосланиши дунё бўйлаб ҳар тўққизта ўлимга сабаб бўлади ва инсон саломатлиги учун энг жиддий экологик таҳдиддир. Юқори даражадаги ПМ2.5 моддалар (заррачалар диаметри 2,5 микронгача бўлган атмосферани ифлослантирувчи моддалар) астма, саратон, инсульт ва ўпка касалликлари қўзғатади.

IQAir ҳисоб-китобларига кўра, Францияга қарашли Полинезия ҳудуди 2023 йилда энг тоза ҳавога эга бўлган жой ҳисобланади. Шунингдек, Маврикий, Исландия, Гренада, Бермуд, Янги Зеландия, Австралия, Пуэрто-Рико, Эстония ва Финляндияда ҳам ҳаво стандартларга жавоб берган.

IQAir маълумотларига кўра, энг ифлос ҳавога эга мамлакат Бангладеш бўлиб, у эрда ПМ2.5 даражаси хавфсиз даражадан ўн баравар юқори.

Тошкент шаҳри ҳам IQAir рейтингида бир неча маротаба ҳавоси энг ифлос бўлган шаҳарлар қаторидан ўрин олган.