АҚШ президенти Дональд Трамп музокаралардаги жанжалдан сўнг Украина президенти Владимир Зеленскийнинг тушлигини ейишга қарор қилди. Бу ҳақда президент матбуот котиби Каролин Левитт Fox News телеканалига берган интервьюсида маълум қилди.
Хабарга кўра, Трамп украиналик ҳамкасби “тинчлик ўрнатиш бўйича жиддий муҳокамага тайёр эмас” деган хулосага келгани учун биргаликдаги тушликни бекор қилган.
Президентга тушлик ёқди, у тўғридан-тўғри ва кўчма маънода Зеленскийнинг тушлигини еди, деди Левитт.
Зеленский бошчилигидаги Украина делегацияси иштирок этиши керак бўлган тушлик менюси суратини Оқ уй аппарати раҳбари ўринбосари Ден Скавино эълон қилди. Рўйхатда помидор, карам ва сарсабил қўшилган яшил салат мавжуд. Асосий таом сифатида менюга розмарин билан пиширилган товуқ киритилган. Ширинлик учун крем-брюле, резавор мевалар ассортименти ва цитрусли печене таклиф қилинган.
Дональд Трамп бу таомларни Зеленский ва унинг делегациясиз, ўз жамоаси даврасида тановул қилган.
Президентлар ўртасидаги тортишув
28 февраль куни Овал кабинетдаги музокараларда Зеленский Украина учун хавфсизлик кафолатлари зарурлиги ва уни музокаралар жараёнига қўшиш кераклиги ҳақида гапирди. У Киев ҳеч қачон шунчаки ўт очишни тўхтатишга рози бўлмаслиги, чунки Россия аввалги келишувларни бузганини таъкидлади. Сиёсатчи ресурслар бўйича келишув Украина хавфсизлигини таъминлаш учун етарли эмаслигини билдирди.
Трамп шунда Украина президентини ўз мамлакатига ҳурматсизликда айблади, бу йўл билан “ишни олиб бориш жуда қийин бўлишини” айтди. У Зеленский вазиятга масъулиятсиз ёндашаётганини билдирди. Трамп унинг хатти-ҳаракатлари миллионлаб одамлар ҳаётини хавф остига қўйишини айтди.
Учрашув Трамп Зеленскийни “Учинчи жаҳон урушини бошлаш билан ўйнашаётганликда” айблаши ва “Бу телевидение учун ажойиб шоу бўлади” деган сўзлари билан якунланди.
Изоҳ (0)