АҚШ мамлакатдаги 200 дан ортиқ ҳиндистонлик ва марказий осиёлик ноқонуний мигрантларни Коста Рикага юборади. Бу ҳақда Коста Рика президенти маъмуриятига таяниб, The New York Times хабар берди.
Одамларнинг биринчи гуруҳи шу чоршанба куни (19 февраль) мамлакатга етиб келади. Коста Рика уларга ўз мамлакатларига етиб боришда кўприк вазифасини ўтайди. Ҳукумати 200 нафар ноқонуний муҳожирни ўз мамлакатига қайтаришда Қўшма Штатлар билан ҳамкорлик қилишга рози бўлди, дейилади Коста Рика президенти маъмуриятин эълонида.
Ҳукуматнинг аниқлик киритишича, Марказий Осиё ва Ҳиндистондан келган ноқонуний шахслар тижорат рейслари орқали олиб келинади, шундан сўнг улар Корредорес кантонидаги мигрантларга хизмат кўрсатиш марказига жойлаштирилади.
Жараён тўлиқ АҚШ ҳукумати томонидан Халқаро миграция ташкилоти назорати остида молиялаштирилади, бу агентлик муҳожирларнинг мамлакатда бўлиши давомида уларга ғамхўрлик қилади, дейилади хабарда.
20 январь куни Дональд Трамп инаугурация нутқида Америка ҳудудига ноқонуний киришни тўхтатишга ва миллионлаб муҳожирларни экстрадиция қилишга ваъда берган. Шунингдек, жанубий чегарадаги вазият туфайли умуммиллий фавқулодда ҳолат жорий қилган.
АҚШ 970 дан ортиқ Ўзбекистон фуқаросини депортация қилади
Депортация қилинадиган Ўзбекистон фуқаролари сони 975 кишини ташкил этмоқда. Иммиграция ва божхона хизмати 2024 йил ноябрь ойидаги ҳисоботни тадқим этди. Умумий ҳисобда, турли давлатлардан 1 445 549 нафар чет эл фуқароси чиқариб юборилади.
Улар ҳибсга олинмаган, бироқ депортация қилиш бўйича якуний қарор қабул қилинган. Бундан ташқари, рўйхатда аллақачон мавжуд бўлмаган давлатлар — СССР ва Югославия ҳам келтирилган. Ушбу паспортларга эга бўлган шахслар айнан қайси давлатга юборилиши номаълум.
Депортация қилинадиганлар орасида Мексика (252 044), Гватемала (253 413), Гондурас (261 651) ва Эл-Салвадор (203 822 киши) еткачилик қилмоқда
Хитойнинг 37,908 нафар фуқароси мамлакатдан чиқариб юбориш тўғрисидаги якуний қарор билан рўйхатга киритилган. Шунингдек, рўйхатда Марказий Осиё давлатлари орасида Қозоғистон (369), Қирғизистон (319), Тожикистон (149) ва Туркманистон (40) фуқаролари ҳам бор.
Изоҳ (0)