Мадриднинг “Реал” клуби собиқ ҳужумчиси Роналдо собиқ жамоадоши – даниялик Томас Гравесенни у билан бирга ўйнаган энг ёмон футболчи сифатида эътироф этди.
“Гравесен — ажойиб йигит, яхши инсон. Лекин футбол нуқтаи назаридан жуда ёмон, қўпол ўйнарди ва оёқларга қаттиқ зарба берарди”, дея Роналдонинг сўзларини келтиради Marca.
Бразилия терма жамоасининг собиқ футболчиси Роналдо фаолияти давомида “Крузейро”, “ПСВ”, “Барселона”, “Интер”, “Реал”, “Милан” ва “Коринтианс” клубларида ўйнаган. У профессионал фаолиятида жами 735 та ўйинда майдонга тушиб, 512 та гол урган.
Томас Гравесен 2005—2006 йилги мавсумда “Реал”да тўп сурган. Ярим ҳимоячи 34 учрашувда майдонга тушиб, бир бор рақиблар дарвозасини ишғол қилган.
Изоҳ (0)