“Ан-Насср” ҳужумчиси Криштиану Роналду Мадриднинг “Реал” клуби президенти Флорентино Перес унинг Туриннинг “Ювентус” жамоасига ўтишини бекор қилмоқчи бўлгани ҳақида айтди.
“Биз ъЮвентусъ билан музокараларнинг якуний босқичида эдик, Перес эса менга нисбатан унчалик яхши муносабатда бўлмади. Мен буни тушунаман, чунки у доимо шундай қилади. Мен ъРеалъга қайтолмасдим, чунки ъЮвентусъга сўз бергандим, лекин Перес бу келишувдан воз кечишни истади. Шунга қарамай, мен Флорентинони ҳурмат қиламан. Умуман олганда, у менга яхши муносабатда бўлган, биз бирга кўплаб ютуқларга эришганмиз”, дея Роналдунинг сўзларини келтиради La Sexta.
Маълумот учун, Роналду 2009–2018 йилларда “Реал” сафида тўп сурган, шундан сўнг “Ювентус”га ўтган. Унинг “Ан-Насср” билан амалдаги шартномаси 2025 йилгача давом этади. Жорий мавсумда Роналду барча турнирларда 25 та ўйинда қатнашиб, 23 та гол ва тўртта голли узатмага муаллифлик қилган.
Изоҳ (0)