The Best. Бугун ФИФА талқини бўйича энг яхшилар аниқланади. Месси Роналду ва Левандовскига етиб олиши мумкин

ФИФА 27 февраль, душанба куни мавсумнинг энг яхшиларига The Best совринини топширади. Совриндорлар 2021/22 йилнинг мавсумнинг бошланишидан ЖЧ—2022 нинг тугашигача бўлган даврдаги натижалар бўйича аниқланади.

Маросимда эркаклар ва аёллар ўртасида энг яхши футболчи, мураббий, дарвозабон ва йил рамзий терма жамоаси аниқланади. Шунингдек, энг яхши мухлис, фер-плей соврини ва йилнинг энг чиройли голи муаллифига топшириладиган “Пушкаш соврини” ўз эгаларини топади.

Интригалар. Агар Месси ушбу совринга эга чиқадиган бўлса бу борада Роналду ва Левандовскига етиб олади. Куртуа икки марта ушбу совринга эга чиққа илк дарвозабон бўлиши мумкин. Мураббийлар орасида янги совриндор аниқланади. Ҳа, Гвардиола ҳали бу совринга эга чиқмаган.

Йилнинг энг яхши ўйинчиси номига даъвогарлар

• Карим Бензема (“Реал”, Франция)
• Лионель Месси (“ПСЖ”, Аргентина)
• Килиан Мбаппе (“ПСЖ”, Франция)

Йилнинг энг яхши дарвозабони номига даъвогарлар

• Эмилиано Мартинес (“Астон Вилла”, Аргентина)
• Тибо Куртуа (“Реал”, Бельгия)
• Яссин Буну (“Севилья”, Марокаш)

Йилнинг энг яхши мураббийи номига даъвогарлар

• Хосеп Гвардиола (“Манчестер Сити”)
• Лионель Скалони (Аргентина)
• Карло Анчелотти (“Реал”)

“Пушкаш соврини”га даъвогарлар

• Мартсин Олекси (“Варта Познан”; “Стал”га қарши ўйинда урилган гол)
• Димитри Пает (“Марсель”; Конференциялар Лигасида “ПАОК”га урилган гол)
• Ришарлисон (Бразилия; ЖЧ—2022 да Сербияга қарши ўйинда урилган гол)

Бу йилги The Best маросимини Париж шаҳрида ўтказилади. Маросим Ўзбекистон вақти билан 27 февралдан 28 февралга ўтар кечаси соат 01:00 да старт олади.

The Best тарихи ҳақида

Ушбу соврин ФИФА томонидан 2016 йилда асос солинган. Илк маросим 2017 йилнинг 9 январида ўтказилган. Қуйида барча асосий совриндорлар билан танишинг: