«Реал» «Олтин тўп»лар сони бўйича «Барселона»нинг рекордига етиб олди

«Реал» ҳужумчиси Карим Бензема 2022 йилги «Олтин тўп» совринига эга чиқди.

2013 йилдан бери «Реал» вакиллари олти марта ушбу индивидуал совринни қўлга киритди. Бу вақт оралиғида тўрт бор Криштиану Роналду совриндор бўлган бўлса, Лука Модрич ва Карим Бенземага бир мартадан «Олтин тўп» топширилган.

Қайд этиш керак, сўнгги тўққиз йилда «Реал» футболчиларидан ташқари фақат Лионель Месси «Олтин тўп»ни қўлга киритган. 2015 ва 2019 йилда «Барселона» сафида, 2021 йили эса «ПСЖ» футболчиси сифатида совринга эга чиққан. 2020 йилда эса соврин ҳеч кимга топширилмаган.

«Реал» футболчилари умумий ҳисобда 12 марта «Олтин тўп»га лойиқ кўрилди. Бу борада мадридликлар «Барселона»нинг рекорд натижасига тенглашиб олди.

Бенземада аввал Раймон Копа, Альфредо Ди Стефано (2 марта), Луиш Фигу, Роналдо, Фабио Каннаваро, Криштиану Роналду (4) ва Лука Модрич «Реал» сафида тўп сураётган вақтида ушбу совринга эга бўлган. Зинедин Зидан, Майкл Оуэн ва Кака каби «Олтин тўп» соҳиблари «Реал»га совринни қўлга киритиб бўлгандан кейин келган.