Саудия Арабистонининг “Ан-Насср” клуби футболчиси, португалиялик Криштиану Роналду туғилган кунини нишонлаш жараёнидан сурат жойлаштирди. Маълумот учун, 5 февраль, чоршанба куни футболчи 40 ёшга тўлди.
Ажойиб табриклар учун ҳаммага катта раҳмат! Оилам ва дўстларим билан ажойиб кун ўтказдик, бундан яхшиси бўлиши мумкин эмас, деб ёзди португалиялик футболчи Х (собиқ Twitter) ижтимоий тармоғидаги саҳифасида.
Маълумот учун, жорий мавсумда Роналду барча мусобақаларда 25 та ўйинда майдонга тушиб, 23 та гол ва тўртта голли узатма амалга оширди. Футболчининг Саудия клуби билан амалдаги шартномаси 2025 йил июнь ойи охиригача мўлжалланган.
Аввалроқ футболчи дунёдаги энг яхши футболчи сифатида ўзини эътироф этган эди.
Изоҳ (0)