Саудия Арабистонининг “Ан-Насср” клуби ҳужумчиси Криштиану Роналду фаолиятини якунлашдан олдин амалга оширмоқчи бўлган мақсади ҳақида гапирди.
“Мен 1000 та гол уришни мақсад қилганман, лекин бошқалардан фарқ шундаки, мен киритган барча голлар видеоёзувлар билан тасдиқланган”, дея Роналдунинг сўзларини келтиради Footmercatо нашри Тelefoot манбасига таяниб.
Ҳозиргача Роналду ўз фаолияти давомида 924 та гол урган, шундан 789 таси клуб даражасида, яна 135 таси эса Португалия терма жамоаси сафида киритилган. Жорий мавсумда ҳужумчи барча мусобақаларда 25 та ўйинда майдонга тушиб, 23 та гол ва тўртта голли узатма муаллифига айланган. Transfermarkt порталига кўра, футболчининг бозор қиймати 12 миллион еврони ташкил этади.
Маълумот учун, Пеле 1363 та учрашувда 1279 та гол урган, дея ҳисобланиб Гиннес рекордлар китобига киритилган. Аммо ушбу голларнинг нечтаси расмий учрашувларда киритилгани номаълум.
Изоҳ (0)