Жуд Беллингҳем “Реал” тарихидаги энг қиммат харид бўлди. У яна энг қиммат англиялик футболчига айланди

“Боруссия Д”дан “Реал”га ўтган Жуд Беллингҳем футбол тарихидаги энг қиммат нархга сотилган англиялик футболчига айланди.

Немис клуби бонуслар билан ҳисоблаганда трансфердан 115 миллион фунт (134 миллион евро) ишлаб олади.

Шу тариқа Беллингҳемнинг трансфери Англия футболчилари орасида Жек Грилишнинг (“Астон Вилла”дан “Манчестер Сити”га 100 миллион фунт) рекордини янгилади. Кейинги ўринларда “Манчестер Юнайтед”нинг харидлари Ҳарри Магуайр (80 млн фунт) ва Жейдон Санчо (73 млн фунт) жой олган.

Умумий олганда Беллингҳем футбол тарихидаги энг қиммат 5-футболчи бўлди. Фақат Неймар (222 млн евро), Килиан Мбаппе (180 млн евро), Усмон Дембеле (140 млн евро) ва Филиппе Коутиньо (135 млн евро) ундан қимматга сотилган.

Жуд “Реал” тарихидаги энг қимматга сотиб олинган футболчига айланди. “Боруссия Д”нинг эса Усмон Дембеледан (140 млн евро) кейинги энг қиммат сотувига айланди.

“Реал”нинг энг қиммат харидлари:

1. Жуд Беллингҳем (“Боруссия”дан) — 134 миллион евро
2. Эден Азар (“Челси”дан) — 115 млн евро
3. Гарет Бэйл (“Тоттенҳэм”дан) — 101 млн евро
4. Криштиану Роналду (“Манчестер Юнайтед”дан) — 94 млн евро
5. Орелен Тчуамени (“Монако”дан) — 80 млн евро
6. Зинедин Зидан (“Ювентус”дан) — 77,5 млн евро
7. Хамес (“Монако”дан) — 75 млн евро
8. Кака (“Милан”дан) — 67 млн евро
9. Лука Йович (“Айнтрахт”дан) — 63 млн евро
10. Луиш Фигу (“Барселона”дан) — 60 млн евро.