Франциялик собиқ футболчи Бакари Саня ҳамюрти “Реал Мадрид” ҳужумчиси Килиан Мбаппе ҳақида фикр билдирди.
Саня Мбаппенинг “Реал Мадрид”даги фаолиятига оид танқидларга ўз муносабатини билдирган.
Собиқ футболчи Килианнинг “Реал”га ўтиши муваффақиятли бўлишига шубҳа қилмаслигини айтган.
“Ҳамма ундан келиши билан ҳамма рекордларни янгилашни бошлашини кутган эди. Ёдингизда бўлса, Криштиану Роналду Мадриддаги фаолиятини унчалик яхши бошламаган. Бензема ”Реал“га ўтганида ҳамма унинг трансфери катта хато бўлди деб ўйлаганди. Бекхем ”Реал“га ўтганида эса одамлар унинг трансферини омадсизлик деб аташди”, – дейди Бакари.
Саня Килиан “Реал”да қийин стартни амалга оширган биринчи футболчи эмаслигини айтди.
“Бу кўплаб ўйинчилар билан содир бўлган. Роналду, Бензема ва Бекхем каби футболчилар клуб афсоналарига айланишди ва Килиан ҳам уларнинг изидан боради. Ҳатто Зиданни ҳам танқид қилишган. Вақт керак, лекин Мбаппе ”Реал“да катта муваффақиятга эришади. Одамларнинг ундан умидлари катта, шунинг учун ҳам у бошқа ўйинчиларга қараганда кўпроқ танқид қилинади”, – деди собиқ футболчи.
Изоҳ (0)