Левандовски Роналду ва Суаресдан кейин Ла Лигада энг тез 60 гол урган учинчи футболчи бўлди

“Барселона” ҳужумчиси Роберт Левандовски XXI асрда Ла Лигада 60 голни энг тез урган учинчи футболчи бўлди. Бу ҳақда Opta хабар бермоқда.

2 февраль куни Испания чемпионатининг 22-турида “Барселона” ва “Алавес” жамоалари ўртасида ўйин бўлиб ўтди. Учрашув мезбонларнинг 1:0 ҳисобидаги ғалабаси билан якунланди. Ягона голга полшалик Левандовски муаллифлик қилди. Унда камроқ учрашувда 60 та гол урган фақат икки футболчи бор: Луис Суарес (66 ўйин) ва Криштиану Роналду (61 ўйин).

Маълумот учун, жорий Ла Лига мавсумида Левандовски 21 та ўйинда майдонга тушиб, 18 та гол урди ва 3 та голли узатма берди. Шунингдек, у турнирнинг энг яхши тўпурари бўлиб турибди.

“Барселона” эса турнир жадвалида 3-ўринда бормоқда. 14 та ғалаба, 3 та дуранг, 5 та мағлубият қайд этган Каталония клуби 45 очко тўплаган. 22 учрашувдан сўнг 48 очко тўплаган “Реал” Ла Лига турнир жадвалида етакчилик қилмоқда.