Карим Бензема 66 йил ичидаги энг ёши катта «Олтин тўп» соҳибига айланди

«Реал» клуби ва Франция терма жамоаси ҳужумчиси Карим Бензема «Олтин тўп» соҳибига айланди.

Бензема 34 ёш-у 290 кунлигида ушбу совринга эга чиқди ва «Олтин тўп»нинг энг ёши катта эгалари орасида иккинчи ўринни банд этди. Фақат 1956 йилда совринга эга чиққан Стенли Мэттьюз (41 ёш-у 321 кун) бу борада ундан олдинда.

Карим «Олтин тўп» совринини қўлга киритган тарихдаги бешинчи француз футболчисига айланди. Ундан аввал Раймон Копа (1958), Мишел Платини (1983, 1984, 1985), Жан Пьер Папен (1991) ва Зинедин Зидан (1998) «Олтин тўп»га эга чиққанди.

Франциялик футболчи «Олтин тўп»га эга чиққан «Реал»нинг саккизинчи вакили бўлди. Унгача Раймон Копа, Альфредо Ди Стефано (2), Луиш Фигу, Роналдо, Фабио Каннаваро, Криштиану Роналду (4) ва Лука Модрич мазкур совринга эга бўлган.

Мавзуга доир: Роналду — 20, ван Дейк — 16, Сон эса 11-ўринда. «Олтин тўп» совринига овоз беришнинг дастлабки натижалари эълон қилинди