Футбол бўйича Саудия Про лигасининг 19-туридан ўрин олган “Ан-Насср” ва “Ал-Фейҳа” клублари ўртасидаги учрашув кеча, 8 февраль куни бўлиб ўтди.
Учрашувда мезбонлар йирик 3:0 ҳисобида ғалаба қозонди. “Ан-Насср” таркибида Дуран дубль қайт этган бўлса, 3-голга португалиялик Роналду муаллифлик қилди.
“Ал-Фейҳа” таркибида Ўзбекистон миллий жамоаси аъзоси Отабек Шукуров асосий таркибда майдонга тушди ва 79 дақиқа ҳаракат қилди. Sofascore нашри футболчининг ўйинини 6,7 баллга лойиқ кўрди. Меҳмонлар таркибида ҳужумчи Рензо Лопез энг кўп 6,9 балл олган.
Мезбонлар таркибида иккита гол урган Дуран энг юқори 9,1 балл билан баҳоланди ва ўйиннинг энг яхши футболчиси сифатида эътироф этилди. Садио Мане 8,3 баллга лойиқ кўрилган бўлса, Роналдуга 7,1 балл қўйилди.
“Ан-Насср” ушбу ғалабадан сўнг очколари сонини 41 тага етказиб олди ва турнир жадвалининг 3-ўрнида бормоқда. “Ал-Фейҳа” 16 очко билан 14-ўринга жойлашган.
Изоҳ (0)