“Ан-Насср” клубининг 40 ёшли ҳужумчиси Криштиану Роналду Саудия Арабистони чемпионатининг энг яхши тўпурари бўлиб турибди.
Иккинчи ўринда “Ал-Иттиҳод” жамоасининг 37 ёшли ҳужумчиси Карим Бензема жойлашган, унинг ҳисобида 14 та гол бор. Етакчилар учлигига “Ал-Ҳилол” клуби ҳужумчиси Маркос Леонардо якун ясайди. Бразилиялик футболчи 12 та гол урган.
Кеча, 7 февраль куни “Ал-Фейҳа”га қарши тўп сурган “Ан-Насср” 3:0 ҳисобида ғалаба қозонди. Голлардан бирига муаллиф қилган Роналду Саудия Про лигасининг жорий мавсумида голлар сонини 16 тага етказиб олди.
Ҳозиргача Роналду фаолияти давомида 924 та гол урган, шундан 789 таси клуб даражасида, яна 135 таси эса Португалия миллий жамоаси сафида киритилган. Жорий мавсумда ҳужумчи барча мусобақаларда 25 та ўйинда майдонга тушиб, 23 та гол ва 4 та голли узатма амалга оширган. Transfermarkt портали маълумотларига кўра, футболчининг бозор қиймати 12 миллион еврони ташкил этади.
Изоҳ (0)