Роналдунинг кетиши мотивация бергани, футболдаги кумири ва навбатдаги мақсади ҳақида — «Олтин тўп» соҳиби Карим Бензема интервьюси

«Реал» ҳужумчиси Карим Бензема «Олтин тўп» совринини қўлга киритгандан сўнг ўз фикрларини билдириб ўтди.

Таассуротлари ҳақида

Кичкина бўлган пайтларимни эслайман. Ҳеч нарсани кўздан қочирмасдим. Ҳаётимда иккита намуна бўлган: Зинедин Зидан ва Роналдо.

Бу қаттиқ меҳнат — яна ва яна машғулотлар. Оғир дамлар ҳам бўлган. Терма жамоага чақирилмаган, бироқ кўпчилик билан мулоқот қилган пайтларим оғир кечди. У мени руҳий жиҳатдан мустаҳкамлади.

Худди шу руҳда давом этаман, жамоадошларим, президент Флорентино Пересга раҳмат айтаман. У ҳар доим мен билан очиқ муносабатда бўлган. Жан Мишел ва «Лион»ни ҳам унутмайман, уларсиз орзумни амалга ошира олмасдим.

Ёш аҳамиятсиз деб ўйлайман. Ўттиз ёшдан кейин кўпчилик ўз даражасини оширганини кўрганман. Бу мақсадга интилиш, қаттиқ меҳнат натижаси. Жуда кўп машқ қиламан ва таслим бўлмаслик кераклигини ўзимга уқтираман.

Роналдо кумири эканлиги борасида

Роналдо — менинг кумирим. Унга ўхшаган бошқа ҳужумчи йўқлигига ишонаман. Унинг майдонда қилган ишларини такрорлашни иложи йўқ, у тарихга кирган.

Мен у туфайли индамасдан захира ўриндиғида ўтиришим мумкин бўлган ягона ҳужумчи. У етиб бўлмас даражада. Худди Зидан каби.

Роналдо нафақат мен учун, балки барча ҳужумчилар учун феномен.

«Олтин тўп»дан сўнг фаолиятидаги мақсадлари ҳақида

Доим «Олтин тўп» ҳақида ўйлардим. 30 ёшдан кейин уни асосий мақсад қилиб олгандим. Дунёнинг энг яхши жамоаси бўлган «Реал»да ўйнаб, етакчи бўла олишимни ўзимга кўп айтардим.

21 ёшимда бундай амбицияларим йўқ эди. Қийин даврларни бошдан кечирдим. Айниқса, жамоадошларим терма жамоаларига кетганида, мен «Реал» базасида машғулотлар ўтардим.

Ҳар доим кўп амбицияларга эга эканлигимни айтардим. Франция терма жамоаси билан Жаҳон Чемпионатида ғалаба қозонмаганман. Бу орзум ҳали амалга ошмаган. Мана шу менинг асосий мақсадим.

Айни дамда мундиалга бориб, унда ғалаба қозониш учун бор кучимга ишга солмоқчиман.

Роналдунинг кетиши унга мотивация бўлгани ҳақида

У «йиртқич» эди, Роналду билан бирга ўйнаш мен учун фахр эди.

У жамоадан кетгач, янада кўпроқ ишлаш истаги пайдо бўлди. Криштианунинг кетиши майдонда кўпроқ нарсалар қилишим учун мотивация берди.

Карим Бензема, «Реал» ҳужумчиси

Мавзуга доир:

• Карим Бензема 66 йил ичидаги энг ёши катта «Олтин тўп» соҳибига айланди
• «Олтин тўп»—2022. Сон Ҳён Мин Осиё вакиллари орасида тарихдаги энг юқори рейтингни қайд этди. Мане — Веа давридан кейинги энг яхши африкалик
• «Реал» «Олтин тўп»лар сони бўйича «Барселона»нинг рекордига етиб олди