Американинг Висконсин штатида яшовчи ўн ёшли мактаб ўқувчиси математика фани бўйича уй вазифасини бажара олмагач, 911 рақамига қўнғироқ қилди ва полициядан ёрдам сўради.
Диспетчер Ким Краузга мурожаат қилган боланинг сўзларига кўра, унинг оиласида ҳеч ким “математикани яхши билмайди”. Шу сабабли полициядан ёрдам сўрашга қарор қилган.
Диспетчер математикадан берилган масалани эшитар экан, топшириқни телефон орқали еча олмаслигини тушунган ва болага ёрдам бериш учун полициячи юборишга қарор қилган.
Фото: Shawano County Sheriff’s Office
Маълум вақтдан сўнг полиция ходими — маҳаллий шерифнинг ўринбосари Чейз Мэйсон бола яшайдиган уйга етиб келган ва у ҳам “математикани яхши билмаслигини” тан олган. Шунга қарамай, у болага ёрдам беришга рози бўлган ва улар биргаликда ўнли касрларни бўлиш мавзусидаги мисолларни ечган.
Шундан сўнг Мэйсон болага шахсий ташриф қоғозини бериб, агар ҳаётига ҳеч нарса таҳдид солмаса ва ўқиш бўйича яна ёрдам керак бўлса, фавқулодда шошилинч рақамига эмас, балки шу телефонга қўнғироқ қилиш кераклигини тушунтирган.
Шунга ўхшаш воқеа 2019 йилда АҚШнинг Лафаетт шаҳрида содир бўлган. Беш йил аввал ёш мактаб ўқувчиси математикадан уй вазифасини бажара олмагач, 911 рақамига қўнғироқ қилган эди.
Изоҳ (0)