Дунёдаги энг машҳур YouTube блогери Мr. Beast (асл исми Жимми Дональдсон) ўзининг ҳали эфирга узатилмаган Beast Games реалитй шоуси туфайли Гиннеснинг 30 га яқин рекордини янгилади. Бу ҳақда Оху.Аz хабар берди.
Ютубер Х (собиқ Twitter) ижтимоий тармоғида Гиннеснинг рекордлар китобига киритилгани учун тақдим этилган сертификатлар тўплами суратини жойлаштирди.
Guinness just dropped off some of the world records we broke while filming Beast Games lol. IM SO EXCITED TO DROP THIS SHOW IN 22 DAYS 🥰 pic.twitter.com/I9m08olhD3
— MrBeast (@MrBeast) November 27, 2024
“Гиннес бизга Beast Games шоусини суратга олиш жараёнида бир нечта рекордларни янгилаганимиз ҳақида ушбу ҳужжатларни тақдим этди. Шоунинг премьераси 22 кундан кейин бўлиб ўтади. Ҳозирда мен қаттиқ ҳаяжондаман”, дея изоҳ қолдирди Жимми.
Бундан ташқари, Мr. Beast кўнгилочар шоуда қатнашган энг кўп иштирокчилар сони ҳамда энг катта пул мукофоти соврини кабилар учун ҳам Гиннесга киритилгани ҳақида қўшимча қилди. Dexertо нашри ёзишича, суратда Гиннеснинг рекордлар китобининг 28 та сертификати акс этган.
Аввалроқ Beast Games шоуси туфайли Мr. Beast судга берилган эди. Чунки ўйин иштирокчилари уларга тақдим этилган шароитнинг ўта оғирлигидан шикоят қилган ва блогерни зўравонликка олиб келадиган хавфли муҳит ташкил этганликда айблаган.
Изоҳ (0)