Фабио Жексон (ҳақиқий исми Фабио Жеймс) поп қироли Майкл Жексонга ҳайратланарли даражада ўхшашлиги билан TikTok’да тобора машҳур бўлиб бормоқда. У ўзининг ажойиб рақс ҳаракатлари, хонандага ўхшаш юз тузилиши, соч турмаги ва кийимлари билан миллионлаб обуначиларни жалб қилишга муваффақ бўлди.
Майкл Жексонга ўхшаш қиёфада образ яратиш ноёб эмас: дунёда Поп қиролига тақлид қилувчи минглаб одамлар топилади, аммо Фабио хонандага табиий жиҳатдан ўхшашлиги билан ажралиб туради. Ижтимоий тармоқ фойдаланувчилари Фабиони, шубҳасиз, ажойиб пародия актёри эканлигини таъкидламоқда.
Йигит поп афсонасига икки томчи сувдек ўхшашлиги туфайли Фабио Жексон лақабини олган. У Англиянинг Норфолк шаҳрида туғилиб ўсган ва бошқалардан фарқли, ўзига хос қиёфаси туфайли атрофдагилар уни ёшлигидан масхара қилиб келган.
Мактабда Фабио Майкл Жексонга ўхшашлиги учун тенгдошлари унинг устидан кулишган, хунук сўзлар билан чақирган ва ҳатто “пластик жарроҳлик” деб атаган. Бундай салбий эътибор, гарчи Фабиони ранжица-да, унинг уникал қиёфасини қабул қилиш учун куч берди. Ҳозирда Фабио ижтимоий тармоқларда ўз тажрибаси билан ўртоқлашади ва унга машҳур хонандани чуқур ҳурмат қилишига нима ёрдам бергани ҳақида сўзлаб беради.
TikTok’да Фабионинг машҳурлиги ортгани сари фойдаланувчилар унинг ташқи кўриниши ҳақиқийлигига шубҳа қила бошлади. Кўпчилик уни Жексонга ўхшаш бўлиш учун пластик жарроҳлик амалиётини ўтказганини даъво қилди. Фабио дарҳол бу айбловларни рад этди. У юзида ҳеч қандай жарроҳлик амалиётини ўтказмаганини таъкидлади ҳамда миш-мишларга барҳам бериш учун ўзининг болаликдаги суратини тармоққа жойлаштирди.
Фабионинг ёшлигиданоқ машҳур эстрада юлдузига ўхшашлигини яққол кўрсатувчи суратлар унинг ташқи кўриниши болалигидан бери ўзгартирилмаганини исботлади.
Фабионинг Майкл Жексонга ўхшашлиги унинг ҳаётига ҳам ижобий, ҳам салбий таъсир кўрсатганини яширмайди. Йигит қаерга ташриф буюрса ҳам, атрофдагиларнинг эътибори унда бўлади:
“Одамлар одатда мени кўргандан жуда хурсанд бўлади. Баъзилар эса гўё мен атайлаб Майклга ўхшаб кийинганман, деб ўйлайди. Бироқ ташқи кўринишимдаги барча нарса табиийдир”, дейди Фабио.
Фабио Жексоннинг ҳақиқатда поп қиролига жуда ўхшашини унинг TikTok’даги обуначилари тасдиқлайди: уларнинг сони деярли 12 миллионга етган, “лике”ларнинг сони эса 145 миллиондан ортиқдир. Фабио мунтазам равишда Майкл каби кийинади ва афсонавий хонанданинг рақс ҳаракатларини такрорлашга ҳаракат қилади.
Изоҳ (0)