Токионинг Янги йил байрамига бағишланган кимошди савдосида 276 килограммли мовий тунец балиғи 207 миллион иена (1,3 миллион доллар) га сотилди. Бу ҳақда “Правила жизни” хабар берди.
Маълум қилинишича, бу нарх 1999 йилдан бери япон балиқ бозорларида қайд этилган энг юқори қиймат эмас. Бундан аввал 2019 йилда катта ҳажмли тунец 333 миллион иенага (3,1 миллион доллар) сотилган эди.
Балиқ 4 январь куни Аомори префектурасида тутилган. Унинг кимошди савдосида Оnоdеrа Group номли ресторанлар тармоғи ғолиб бўлган.
“Ресторанимизга келтирилган биринчи балиқ янги 2025 йилда бизнесимизга омад ва барака келтиришига ишонамиз ҳамда харидимиз энг қиммат балиқни татиб кўриш истагида бўлган мижозларни жалб этишига умид қиламиз”,
дейди Оnоdеrа Group вакили.
Изоҳ (0)