Болаликдан бир-бири билан дўст тутиниб, ҳозир ҳам дўстлик ришталарини сақлаб келаётган Голливуднинг таниқли актёрлари ҳақида сўз юритамиз.
Мэтт Деймон ва Бен Аффлек
Икки таниқли Голливуд актёрининг дўстлиги бир кўчадан бошланган. Оддий америкалик болалар — Мэтт ва Бенн тезда тил топишиб кетган. Улар қўшни бўлишдан ташқари, бир мактабда ҳам ўқиган. Йиллар ўтиб улар, кинога қизиқишларини тушунди. Муваффақиятга эришиш учун анча тер тўкилди. “Заковатли Уилл Ҳантинг” драмаси сценарийсини ёзишди. Ҳомийларни топиш осон бўлмади, лекин биргаликда қилинган саъй-ҳаракатлар сабаб, биринчи шартномаларини имзолашга муваффақ бўлган.
Элайжа Вуд ва Маколей Калкин
“Уйда ёлғиз” фильми юлдузи болалигидан ўзининг Голливуддаги кўплаб роллари билан мақтана олган. Унинг дўсти ҳам бу касбга киришга қарор қилган. 1993 йилда ёш актёрлар “Яхши ўғил” картинасида дуэтда бирга қатнашди. Элайжа ва Маколей кўп вақтларини бирга ўтказди ва улар ўртасида қалин дўстлик пайдо бўлди. Улар деярли ўттиз йилдан бери дўстлик ришталарини сақлаб келмоқда.
Жастин Тимберлейк ва Райан Гослинг
“Микки Маус клуби” дастури 1955 йилда бошланган. Шоунинг асосчиси афсонавий Уолт Дисней ҳисобланади. Жастин ва Райан айнан ўша ерда танишган. Эҳтимол, улар келажакда юлдуз бўлишларига шубҳа қилмагандир. Ҳозирги кунда Жастин фақатгина мусиқа ижрочиси эмас, актёр сифатида ҳам танилган. Гослинг дўстидан фарқли ўлароқ қўшиқ айтмайди.
Роберт Паттинсон ва Том Старриж
Йигитлар 12 ёшида танишган. Иккиси ҳам машҳур актёр бўлишга муваффақ бўлди. Тўғри, “Сумерки” фильми юлдузи Паттинсон бу масалада дўстидан кўра, кўпроқ муваффақиятга эришди.
Шуниси эътиборга моликки, Том фильмдаги Эдвард роли учун кўриб чиқилган, лекин якунда ушбу роль дўсти Робертга насиб қилди. Бу икки дўстнинг ўртасидаги муносабатларга таъсир қилмаган.
Майя Рудольф ва Гвинет Пелтроу
Рудольф ва Пелтроу коллежда танишган. Лос-Анжелесга кўчиб келганда ҳам улар алоқаларни сақлаб қолган. Бундан ташқари, оилавий дўст ҳам бўлишди. Майя ва Гвинет бир-бирини қирқ йилдан буён билади.
Улар биргаликда кўплаб қийинчиликларни босиб ўтиб, дунё миқёсида шуҳрат қозонди ва таниқли шахсларга айланди. Майя комедия фильмларида, Гвинет эса жиддий фильмларда ўйнашни афзал кўради.
Энсел Эльгорт ва Тимоти Шаламе
LаGuardia мусиқа ва санъат олий мактаби битирувчилари орасида машҳур америкалик актёрлар ҳам бор. Энсел ва Тимоти бир хил баскетбол жамоасида ўйнаган ва улар дўст тутинишдан олдин бир хил дарсларга қатнашган. Дўстлар банд бўлишига қарамай, мунтазам кўришиб туришга ҳаракат қилади.
Тейлор Лотнер ва Виктория Жастис
Жейкоб Блек жаҳон миқёсида шуҳрат қозонишидан олдин, Голливудни орзу қилган оддий йигит эди. Айнан шу даврда Тейлор ўзига ўхшаган Викторияни учратди. Ўсмирлар кўп вақтини бирга ўтказа бошлади. Папараццилардан яширинишга қарамай, уларни бирга кўриш мумкин.
Брук Шилдс ва Мэтт Диллон
Машҳур америкалик модель ва актриса 1980 йилларнинг бошларида анча таниқли эди. Йигитлар бу гўзал қизнинг қалбини забт этишга ҳаракат қилган, лекин унинг олдида ҳар доим содиқ қўриқчиси Мэтт бўлган. Актёрлар бир неча ўн йиллар давомида ажойиб натижаларга эришди ва ҳозирги кунда жаҳон юлдузларига айланди, уларнинг дўстлиги олдингидек мустаҳкам.
Жон Красински ва Би Жей Новак
Энг яқин дўстингиз билан бир фильмда роль ўйнашдан яхшироқ нарса бўлмаса керак. Ахир бу жараённи янада қизиқарли қилади. Жон ва Би Жей ўрта мактабдан буён дўст бўлиб, бирга бейсбол машғулотларига ҳам борган. Таниқли актёр бўлишларига қарамай, улар бир пайтлар кино оламига илк қадамларини биргаликда бошлаган оддий йигитлар бўлиб қолганини билиш жуда ёқимли.
Изоҳ (0)