Агар юлдуз бўлсангиз, унда нафақат мухлислар ва папарацсилар, балки ўғри ва талончиларнинг ҳам эътибор марказида бўласиз.
Перис Хилтон
Соҳибжамол малласоч 2008—2009 йилларда Голливудда фаолият юритган Bling Ring тўдасининг қурбони бўлади. Етти нафар ўсмир ва бир нафар катта ёшли кишидан иборат бу тўда шу йўл билан машҳур бўлишни хоҳлаган. Улар жуда оригинал усулни танлайди — тўда машҳурларнинг уйларига бостириб кириб, пул ва қимматбаҳо нарсаларни олиб кетишади.
Рейчел Билсон, Орландо Блум, Меган Фокс, Линдси Лохан ва бошқалар талон-торож қилинади. Аммо Перис кўп марта уларнинг қубонига айланади — ўғрилар уникига бир неча бор бостириб киришади ва у катта моддий зарар кўради. Ўғирланган товарларнинг умумий миқдори 3 миллион долларга баҳоланган. Айтганча, Лохан туфайли жиноий гуруҳ қўлга олинади — унинг уйида жиноятчиларнинг юзлари кузатув камераларига тушиб қолган ва полиция уларни аниқлашга муваффақ бўлган. Суд жараёни ҳам шов-шувга сабаб бўлган, натижада 2013 йилда София Коппола Bling Ring тўдаси ҳақида фильм суратга олади.
Ким Кардашян
Машҳурларни тунашнинг энг даҳшатли ҳолатларидан бири 2016 йилда Парижда Ким Кардашянга қилинган ҳужум эди. Ўшанда Ким меҳмонхонадаги хонасида ёлғиз қолади, чунки тансоқчиси синглиси Кайли ва Кендаллга ҳамроҳ бўлиб кетганди. Ҳаммаси эрта тонгда содир бўлади — ўғрилар кириб, юлдузнинг қўлларини боғлаб, Кардашяннинг шахсий нарсаларини синдиришади ва унга қурол ўқталишади.
Улар охир-оқибат 4 миллион долларлик узукни, шунингдек, Cartier ва Lorraine Shvarts’дан умумий қиймати тахминан 5,6 миллион долларлик бошқа заргарлик буюмларини олиб кетишади. Кардашян ҳалигача ўша кеча ҳаётини ўзгартириб юборганини эслайди ва ўшандан бери янги заргарлик буюмларини сотиб олмаганини айтади.
Рианна
2018 йилда Bling Ring тўдасининг издошлари пайдо бўлади — улардан бирининг онаси бошчилигидаги бир гуруҳ ўсмирлар ижтимоий тармоқлар туфайли Рианна уйда йўқлигини аниқлашади ва ўғриликка тушишади. Талончилар Лос-Анжелесдаги таниқли бейсболчиларнинг уйларини тунашда ҳам иштирок этган. Ўғрилар йўл бўйидаги текширув вақтида қўлга олинади. Полиция ўсмирлардан бейсболчи Роберт Вудсга тегишли нарсаларни, шунингдек, 50 минг доллар нақд пул ва заргарлик буюмларини топади. Жиноят гуруҳи 24 та машҳурларнинг уйини талон-тарож қилгани тахмин қилинади.
Саймон Коуэлл
Британиялик телебошловчи ҳам 2015 йилда талончилик қурбони бўлган. Аммо кўплаб юлдузлар уйида йўқлигида талон-тарож қилинган бўлса-да, ҳужум содир бўлганида Коуэлл оиласи, шу жумладан, икки ёшли ўғли билан уйда ухлаётган эди. Ўғри қарийб 1 миллион долларлик қимматбаҳо буюмлар, жумладан, заргарлик буюмларини, шунингдек, эр-хотиннинг иккита паспортини ҳам олиб кетган. Кейинчалик маълум бўлишича, мазкур талончи яна 37 та ўғриликларда иштирок этган. Яхшиямки, бу ҳодисада ҳеч ким жабрланмайди, бироқ Коуэлл бу воқеадан сўнг ўғлининг хавфсизлиги ҳақида ташвишга тушиб қолганини тан олади.
Тина Ноулз
2023 йилнинг ёзида Бейонсе онасининг уйига ўғрилар бостириб кириб, ичида 1 миллион доллардан ортиқ нақд пул ва заргарлик буюмлари бўлган сейфни ўғирлаб кетишади. Аммо сейфларни ўғирлаш одатий ҳол эмас — жиноятчилар уларни верандалар ва балконларнинг кенг деразалари орқали тортиб олишади. Полиция жиноятчилар Ноулзнинг уйидаги сейф ва қимматбаҳо буюмлар ҳақида маълумотга эга бўлган ва талончилик тасодиф эмас деб ҳисоблашган.
Изоҳ (0)