Сурхондарё вилоятининг Қизириқ тумани ҳокими Шерхон Алламуродов интизомий жазога тортилди.
Вилоят ҳокими Улуғбек Қосимовнинг 23 августдаги фармойишига кўра, у 2025 йилнинг 1-ярим йиллигида хорижий инвестицияларни ўзлаштириш ва экспорт кўрсаткичларини таъминлашда сусткашликка йўл қўйган. Шу сабабли Меҳнат кодексининг 312-моддаси 1-қисми 2-бандига асосан ўртача ойлик иш ҳақининг 30 фоизи миқдорида жарима интизомий жазо чораси қўлланилди.
Шерхон Алламуродов Қизириқ туманига 2025 йил январидан буён ҳокимлик қилиб келмоқда. У 1986 йилда Жарқўрғон туманида туғилган. 2011 йилда Ички ишлар вазирлиги академиясини тамомлаган. Подполковник ҳарбий унвонига эга. Фаолияти давомида Ички ишлар органларида турли вазифаларда, хусусан, вилоят Ички ишлар бошқармасида бўлим бошлиғи, Жарқўрғон тумани ИИБ бошлиғи лавозимларида меҳнат қилган.
Изоҳ (0)