Машҳурлар барчани лол қолдиришни жуда яхши билишади. Улар нафақат саҳнада ёки камера ортида, балки уй қуришда ҳам ижодий ёндашади. Қуйида жаҳонга танилган юлдузларнинг энг ноодатий шаклдаги уйларини биргаликда томоша қиламиз.
Женнифер Гарнернинг “Гарри Поттер” хонаси
Лос Анжелес оилавий яшаш учун АҚШнинг энг жойларидан бири ҳисобланади. Машҳурларнинг барча бадавлат санъаткорларга хос ҳашаматли уйларидан ташқари турли мавзуга оид хоналари ҳам алоҳида ажралиб туради. Масалан, актриса Женнифер Гарнернинг уйида пижама зиёфатлари учун алоҳида хона ҳамда “Гарри Поттер” мавзусидаги офис мавжуд. Сеҳргарлар мактаби ҳақидаги ҳикоя услубидаги уй дизайни унинг ўғли учун махсус ишлаб чиқилган.
Перис Ҳилтон итлари учун алоҳида сарой
Актриса уйида ўндан ортиқ кичик ўлчамдаги зотдор итларни сақлайди. Перис итларни шунчалик яхши кўрадики, ҳатто улар учун алоҳида қаср шаклидаги уй ҳам қуриб берган. Итлар яшайдиган уй учун юлдуз 325 минг доллар сарфлаган. Бундай мини-саройни қуришдан асосий мақсад ҳайвонларнинг хавфсизлиги эди.
Аввалроқ бир гуруҳ ўғрилар унинг чиҳуаҳуа зотли итини олиб кетишган. Ҳилтон эса уларга катта пул тўлаб кучукни қайтариб олишга мажбур бўлган.
“Итлар учун мўлжалланган уйни қуришда менга ўз уйимнинг дизайни билан шуғулланган мутахассис ёрдам берди”, дейди Ҳилтон.
Билл Гейтснинг батутлар хонаси
Билл Гейтснинг уйида “батутлар хонаси” (трамполине роом) борлиги ҳақидаги маълумотлар интернетда машҳур бўлиб кетган. Унинг “Ханаду 2.0” деб номланган улкан қароргоҳи Вашингтон штатида жойлашган бўлиб, замонавий технологиялар ва ҳашаматли имкониятларга эга. Бу ҳақда миллиардер шундай дейди:
“Уйимизда батутли хона бор, болалар уни яхши кўришади. Хонанинг баландлиги олти метр бўлгани туфайли батутлар хавфсиздир”.
Майкл Жорданнинг баскетбол майдони
Майкл Жорданнинг Чикагодаги уйидаги баскетбол зали ҳақиқий профессионал даражадаги майдон бўлиб, у спорт афсонасининг машғулотлари учун махсус қурилган. Ушбу зал NBA стандартларига мос келадиган майдондир. У ернинг полида Жордан логотипи акс этган.
Бундан ташқари, Жордан уйида теннис ва голф корти, фитнесс зали ҳам мавжуд.
Леди Гага — Ретро Боулинг
Илгари хонанданинг уйи Бетмен ўйинлари ишлаб чиқарувчисига тегишли бўлган. Уйнинг ертўласида ҳақиқий суперқаҳрамон киносига хос ғор қурилган. У ерга меҳмонхонадаги яширин эшик орқали кирилади. Ҳозирда Леди Гага ушбу хонани боулинг залига айлантирган.
Кайли Женнер қизининг шахсий уйи
Америкалик таниқли модел ва миллиардер, тадбиркор Кайли Женнер ҳашаматли ҳаёт тарзини кечиради. Унинг 4 ёшли қизи Stormи Louis Vuitton бренди кўринишида махсус дизайнга эга болалар электр машинаси — Lamborghini автомобилида юради. Қизнинг улкан ўлчамдаги қўғирчоқлар уйи ва ичи қимматбаҳо кийим-кечакларга тўла ҳашаматли шкафи бор.
Крис Женнер набирасига бир неча хоналари ва камини бор ўйинчоқ уйни совға қилган. Мини-сарой уйнинг орқа ҳовлисида жойлашган.
ДЖ Кҳалед — Кроссовкалар учун алоҳида хона
Машҳурларнинг уйидаги шкафи билан энди ҳеч кимни ажаблантиролмайсиз. Лекин фақат кроссовкалар учун алоҳида хона ташкил этиш камдан-кам учрайди. ДЖ Кҳалед узоқ йиллардан бери пойабзал йиғиш билан шуғулланади. Барча экспонатлар бир жавонга сиғмайди. Ушбу хонада хоҳловчилар бир кунни ўтказиши ҳам мумкин, бу имконият 2022 йилда Airbnb платформасида пайдо бўлган.
Изоҳ (0)