АҚШ президенти чегарадаги барча ноқонуний ўтиш жойлари ёпиб, мигрантларнинг киришини тақиқлашни давом этар экан, баъзи санъаткорлар очиқчасига Трампнинг бу сиёсатига қарши чиқмоқда. Шундай машҳурлардан бири Селена Гомесдир. У нинг ота-онаси аслида мексикалик муҳожирлар бўлган. Гарчи хонанданинг ўзи АҚШда туғилган бўлса ҳам, унинг оилавий шажараси Америкадан ташқарида бошланган.
Қуйида Голливудда шуҳрат қозонган ана шундай муҳожир санъаткорлар ҳақида маълумот берамиз.
Мила Кунис
Актриса Мила Кунис Украинанинг Черновци шаҳрида туғилган. Унинг ота-онаси Мила етти ёш бўлганида АҚШга кўчиб келган. Улар ҳамёнида 250 доллар билан ватанини тарк этишган. Америкада Куниснинг отаси такси ҳайдовчиси, пицца етказиб берувчи сифатида меҳнат. Онаси эса дорихонада ишлаган.
“Мен АҚШга кўчиб келганимизда на у ернинг маданиятини, на тилини тушунмас эдим. Бу гўё би зумда кўр ва кар бўлиб қолишдек туюлар эди” деган эди актриса. Аммо у тез орада мамлакалатга мослашган ва инглиз тилини ўрганган.
Салма Ҳаек
Салма Ҳаек Мексикада туғилиб ўсган. У ўз фаолиятини маҳаллий теленовелаларда бошлаган. 1991 йилда Ҳаек актёрлик соҳасида ўқиш мақсадида Лос Анжелесга келган. У грин карта олишдан аввал маълум вақтда АҚШ да ноқонуний мигрантлардан бири бўлган.
Памела Андерсон
Актриса, модел ва жамоат фаоли Памела Андерсон 1967 йил 1 июлда Канаданинг Британия Колумбияси провинциясида туғилган. 2004 йилда у Америка фуқаролигини олган ва ҳайвонлар ҳуқуқларини ҳимоя қилувчи фаоллардан бирига айланган.
Жим Керри
Жим Керри 1962 йилда Канаданинг Онтарио провинциясида туғилган. У болалигидан Америкага боришни орзу қилган. Унинг отаси ҳисобчи ва мусиқачи бўлиб, онаси эса уй бекаси эди. Оиласи иқтисодий инқирозга учраганида, отаси ишсиз қолган ва натижада улар молиявий қийинчиликларга дуч келган. Бу эса унинг орзусига тўсқинлик қилган. Керри Америкада профессионал фаолиятини бошлаганидан 20 йил ўтибгина АҚШ фуқаролигини олган. 2004 йилгача у Канада фуқароси эди.
Натали Портман
Натали Портман Исроилда туғилган. Унинг оиласи Қўшма Штатларга кўчиб ўтганда актриса уч ёшда бўлган. 2015 йилда у Амос Ознинг романи асосида иброний тилида суратга олинган “Муҳаббат ва зулмат ҳақидаги поэма” фильмида режиссёрлик қилган.
Шарлиз Терон
Актриса Жанубий Африкада туғилган бўлиб, моделлик фаолияти бўйича АҚШга келган. Кейин эса Голливудда карьерасини давом эттириш учун Лос-Анжелесга кўчган ва 2007 йилда АҚШ фуқаролигини олган.
Эмили Блант
Эмили Блант Буюк Британияда туғилган. У 2008 йилда АҚШга келган ва орадан етти йил ўтиб Америка фуқаролигини олган. Аммо у Британия фуқаролигини сақлаб қолди.
Арнольд Шварценеггер
У 1947 йил 30 июлда Австрияда туғилган ва ёшлик чоғида бодибилдинг билан шуғуллана бошлаган. Шварценеггер 1968 йилда, 21 ёшида АҚШга кўчиб ўтган. У Америкада спортдаги муваффақиятларини давом эттириб, тез орада машҳур бодибилдер ва бизнесмен бўлди.
Кейинчалик у актёрлик фаолиятини бошлади ва бутун дунёга танилди. Шварценеггер АҚШ фуқаролигини 1983 йилда олди. 2003 йилда эса Калифорния губернатори этиб сайланиб, 2011 йилгача ушбу лавозимда ишлаб келди.
Изоҳ (0)