Mashhurlar barchani lol qoldirishni juda yaxshi bilishadi. Ular nafaqat sahnada yoki kamera ortida, balki uy qurishda ham ijodiy yondashadi. Quyida jahonga tanilgan yulduzlarning eng noodatiy shakldagi uylarini birgalikda tomosha qilamiz.
Jennifer Garnerning “Garri Potter” xonasi
Los Anjeles oilaviy yashash uchun AQSHning eng joylaridan biri hisoblanadi. Mashhurlarning barcha badavlat san’atkorlarga xos hashamatli uylaridan tashqari turli mavzuga oid xonalari ham alohida ajralib turadi. Masalan, aktrisa Jennifer Garnerning uyida pijama ziyofatlari uchun alohida xona hamda “Garri Potter” mavzusidagi ofis mavjud. Sehrgarlar maktabi haqidagi hikoya uslubidagi uy dizayni uning o‘g‘li uchun maxsus ishlab chiqilgan.
Peris Hilton itlari uchun alohida saroy
Aktrisa uyida o‘ndan ortiq kichik o‘lchamdagi zotdor itlarni saqlaydi. Peris itlarni shunchalik yaxshi ko‘radiki, hatto ular uchun alohida qasr shaklidagi uy ham qurib bergan. Itlar yashaydigan uy uchun yulduz 325 ming dollar sarflagan. Bunday mini-saroyni qurishdan asosiy maqsad hayvonlarning xavfsizligi edi.
Avvalroq bir guruh o‘g‘rilar uning chihuahua zotli itini olib ketishgan. Hilton esa ularga katta pul to‘lab kuchukni qaytarib olishga majbur bo‘lgan.
“Itlar uchun mo‘ljallangan uyni qurishda menga o‘z uyimning dizayni bilan shug‘ullangan mutaxassis yordam berdi”, deydi Hilton.
Bill Geytsning batutlar xonasi
Bill Geytsning uyida “batutlar xonasi” (trampoline room) borligi haqidagi ma’lumotlar internetda mashhur bo‘lib ketgan. Uning “Xanadu 2.0” deb nomlangan ulkan qarorgohi Vashington shtatida joylashgan bo‘lib, zamonaviy texnologiyalar va hashamatli imkoniyatlarga ega. Bu haqda milliarder shunday deydi:
“Uyimizda batutli xona bor, bolalar uni yaxshi ko‘rishadi. Xonaning balandligi olti metr bo‘lgani tufayli batutlar xavfsizdir”.
Maykl Jordanning basketbol maydoni
Maykl Jordanning Chikagodagi uyidagi basketbol zali haqiqiy professional darajadagi maydon bo‘lib, u sport afsonasining mashg‘ulotlari uchun maxsus qurilgan. Ushbu zal NBA standartlariga mos keladigan maydondir. U yerning polida Jordan logotipi aks etgan.
Bundan tashqari, Jordan uyida tennis va golf korti, fitness zali ham mavjud.
Ledi Gaga — Retro Bouling
Ilgari xonandaning uyi Betmen o‘yinlari ishlab chiqaruvchisiga tegishli bo‘lgan. Uyning yerto‘lasida haqiqiy superqahramon kinosiga xos g‘or qurilgan. U yerga mehmonxonadagi yashirin eshik orqali kiriladi. Hozirda Ledi Gaga ushbu xonani bouling zaliga aylantirgan.
Kayli Jenner qizining shaxsiy uyi
Amerikalik taniqli model va milliarder, tadbirkor Kayli Jenner hashamatli hayot tarzini kechiradi. Uning 4 yoshli qizi Stormi Louis Vuitton brendi ko‘rinishida maxsus dizaynga ega bolalar elektr mashinasi — Lamborghini avtomobilida yuradi. Qizning ulkan o‘lchamdagi qo‘g‘irchoqlar uyi va ichi qimmatbaho kiyim-kechaklarga to‘la hashamatli shkafi bor.
Kris Jenner nabirasiga bir necha xonalari va kamini bor o‘yinchoq uyni sovg‘a qilgan. Mini-saroy uyning orqa hovlisida joylashgan.
DJ Khaled — Krossovkalar uchun alohida xona
Mashhurlarning uyidagi shkafi bilan endi hech kimni ajablantirolmaysiz. Lekin faqat krossovkalar uchun alohida xona tashkil etish kamdan-kam uchraydi. DJ Khaled uzoq yillardan beri poyabzal yig‘ish bilan shug‘ullanadi. Barcha eksponatlar bir javonga sig‘maydi. Ushbu xonada xohlovchilar bir kunni o‘tkazishi ham mumkin, bu imkoniyat 2022-yilda Airbnb platformasida paydo bo‘lgan.
Izoh (0)