Ўтиб бораётган 2024 йилда хорижий шоу-бизнес вакиллари орасида бир нечта шов-шувли тўй тантаналари билан эсда қолди. Эътиборингизга жорий йилда турмуш қурган ва ажойиб никоҳ маросимлар ўтказган машҳурлар ҳақида маълумот берамиз.
Роберт Паттинсон ва Суки Уотерхаус
“Сумерки” номли вампирлар ҳақидаги фильм орқали дунё миқёсида машҳурликка эришган актёр Роберт Паттинсон ва унинг севгилиси Сюки Уотерҳаус май ойида ОАВдан яширинча турмуш қурди. Беш йилдан ортиқ вақт давомида этган муносабатлардан сўнг янги турмуш қурганлар фақатгина ўз яқинлари учун ёпиқ тўй маросими ўтказди.
Бундан ташқари, жуфтлик тўйдан аввал қизлик бўлди. Эр-хотин фарзандларининг исмини ошкор этмаган.
Лана Дел Рей ва Жереми Дюфрен
Сентябрь ойида хонанда Лана Дел Рей кутилмаганда 56 ёшли Жереми Дюфренга турмушга чиқди. У шоу-бизнес оламидан йироқ соҳада ишлайди. Дюфрен тимсоҳларни тутиш билан шуғулланади. Улар муносабатлари ҳақида ҳеч қачон ОАВ га маълумот бермайди ва шахсий ҳаётини сир сақлайди. Дюфрен ва Дел Рей 2019 йилда Airboat Tours by Arthur компанияси билан экскурсияда танишган.
Кўпгина мухлислар Лананинг ҳомиладор бўлганлиги туфайли турмуш қуришган деб тахмин қилишади, аммо бу маълумот тасдиқланмаган. Август ойининг охирида хонанданинг концертидан кейин жуфтликни папарацси кўриб қолган. Орадан бир неча ой ўтгач, тармоқларда уларнинг яширинча ўтказилган тўйи видеоси тарқалган.
Кристин Скотт Томас ва Жон Миклетвейт
“Инглиз бемор” фильмидаги роли учун “Оскар” мукофотига номзод бўлган британиялик актриса Кристин Скотт Томас Bloomberg медиа корпорацияси раҳбари Жон Миклетвейт билан турмуш қурди. Эр-хотин муносабатларини беш йиллик ришталардан сўнг расмийлаштиришга қарор қилган.
Бёрн Улвеус ва Кристина Сас
Афсонавий АBBА гуруҳидаги мусиқачи Бёрн Улвеус Кристина Сас билан турмуш қурган (бу хонанданинг учинчи никоҳи). Улар овоз ёзиш студиясининг филиалларидан бирида танишиб қолган.
Бёрн ва Кристина тўрт тил давомида бирга ишлаган. Қўшиқчининг рафиқаси ундан 28 ёш кичик.
Берил Позам ва Эрсин Арижи
Ўзбек томошабинларига Туркиянинг “Қўрғон сирлари” сериали орқали таниш бўлган Берил Позам (Суна) ва Эрсин Арижи (Абидин) жорий йил 19 август куни турмуш қурди.
То жуфтликни келин-куёв либосида кўрмагунча ва уларнинг журналистларга берган интервьюсини эшитмагунча кўпчилик бунга ишонмади. Тантана кенг кўламда ўтди: маросимда “Қўрғон сирлари” сериали ижодий жамоасининг барчаси иштирок этди.
Эд Вествик ва Эми Жексон
“Ғийбатчи қиз” сериали орқали машҳур бўлган актёр Эд Вествик модел ва актриса Эми Жексон билан жорий йил ёз ойида турмуш қурди. Севишганларнинг тўй маросими Италияда бўлиб ўтди. Ҳозирда улар фарзанд кутмоқда.
Эдди Mёрфи ва Пейж Батчер
Америкалик комик актёр Эдди Mёрфи ва австралиялик модел Пейж Батчер 12 йиллик муносабатдан сўнг ва ниҳоят расман турмуш қурди. Фақат қариндошлар ва яқин дўстлар учун бўлиб ўтган ёпиқ тўй маросими Ангуиллада — Кариб денгизида жойлашган Британия денгизорти ҳудудида бўлиб ўтди.
Ушбу никоҳ Батчер учун биринчи, Эдди учун иккинчи расмий турмушдир: эр-хотиннинг икки нафар фарзанди: саккиз ёшли қизи ва беш ёшли ўғли бор.
Милли Бобби Браун ва Жейк Бон Жови
Май ойида “Ғаройиб ишлар” фильмида иштирок этган Милли Бобби Браун ва мусиқачи Жон Бон Жови никоҳдан ўтди. Маълумки, улар бир неча йил аввал ижтимоий тармоқларда танишган, ўз муносабатлар ҳақида эса 2021 йилда мухлисларга маълум қилган.
Оливия Калпо ва Кристиан Маккеффри
“Коинот гўзали” ва “АҚШ гўзали 2012” унвонлари соҳибаси Оливия Калпо спортчи — “Сан-Франциско 49” футбол жамоаси аъзоси Кристиан Маккеффрига турмушга чиқди. Тўй маросими июнь ойида Уотч Ҳилл (Rod aylend) да бўлиб ўтди.
Изоҳ (0)