Қани эди банк картамиздаги пуллар тугамаса, деб орзу қилган одамлар кам эмас, аммо бугунги қаҳрамонларда шундай сеҳрли истакни амалга ошириш имконияти бўлса ҳам, қимматбаҳо буюмларни харид қилишга шошилмайди. Қуйида мўмай даромад топишига қарамай, камтарона ҳаёт тарзини танлаган машҳурлар ҳақида сўз юритамиз.
1. Киану Ривз
Кианунинг экрандаги ёрқин роллари унга бутун умрга етгулик бойлик олиб келган, лекин пул актёрнинг инсонийлик жиҳатига путур етказмаган. Киану кичик квартирада яшайди ва йиллар давомида бир хил кийимларда юришдан уялмайди. Бундан ташқари, актёр ҳисобидаги катта миқдордаги пулларни хайрия ишларига йўналтирилиши барчага маълум. Паркдаги скамейкада ўтирган, дайди каби кўринган қайғули Киану ҳақидаги мемлар шунчаки ҳазил эмас, балки унинг ҳақиқий камтар ҳаёт тарзидан намунадир.
2. Эд Ширан
Эд Ширан дунёдаги энг бадавлат мусиқачилар қаторига киради, лекин у ўз бойлигини намойиш этмайди. Хонанда ойлик сарф-харажатларини минг доллардан оширмасликни ўзи учун қоида қилиб олган. Мусиқачининг ҳисобида бир нечта уй ва квартиралар бор, уларнинг барчаси ижарага берилади. Ширан янги кийимларни оддий дўконлардан ёки чегирма билан харид қилишдан тортинмайди.
3. Кира Найтли
“Кариб денгизи қароқчилари” фильми юлдузи йилига 50 минг доллардан ортиқ харажат қилмасликни ўзи учун белгилаб олган. Бундай миқдор актрисанинг йиллик даромадининг жуда кам қисмини ташкил қилади. Киранинг сўзларига кўра, бундай ёндашув унга машҳур бўлмаган дўстларидан узоқлашмасликка ёрдам беради.
4. Женнифер Лоуренс
Узоқ йиллар давомида Голливуднинг энг юқори маош олувчи актрисаларидан бири бўлган Женнифер Лоуренс пулни тежамкорлик билан сарфлашни яхши билади. У ўз бойлигини исрофгарчиликка кетишини ёқтирмайди. Лоуренс яшайдиган уйнинг тахминий нархи атиги 879 минг доллар. Актриса кундалик ҳаётда оддий дўконлардан кийим сотиб олади ва қимматбаҳо харидларга пул кетказишни ўзига эп кўрмайди.
5. Сара Жессика Паркер
Сара болалигида қийинчилик билан кун кечиргани учун ўз фарзандларини ҳам камтарона руҳда тарбиялайди. Интервьюлардан бирида у ўғлини ёши катта қариндошларининг кийимларини кийишини айтган, чунки яхши ҳолатда бўлган буюмларни ташлаб юборишдан маъно йўқ, деб ҳисоблайди. Буларга қарамай, Паркернинг умумий бойлиги 100 миллион доллар деб баҳоланади.
6. Сандра Буллок
Сандра Буллок ҳам ҳашаматсиз ва оддий ҳаёт тарафдори. Актриса бир неча марта турли жамғармаларга катта пул хайрия қилган ва икки нафар болани асраб олиб, ҳозирда уларга оддий уйда ғамхўрлик қилиб келмоқда.
7. Женнифер Гарнер
Женнифер Гарнер ҳам масс маркет каби оддий дўконлардан харид қилишга ўрганган. Актриса ҳатто қўриқчилар хизматидан фойдаланмайди ва жамоат жойларида фарзандлари билан бирга юради. Унинг асосий транспорт воситаси эса велосипеддир.
8. Рассел Кроу
Рассел Кроу Лос Анжелесга иш жойи сифатида қарайди. Ҳозирда у Австралияда фермаси бор ва асосий вақтини оиласи билан ўша уйда ўтказади. АҚШга эса фақат суратга тушиш ишлари учун келиб туради.
9. Тоби Магуаер
Тоби Магуаернинг болалиги қийинчиликларга тўла бўлган. Унинг учун ҳаётидаги энг муҳим нарса оиладир. Ҳозирда ўргимчак одам қаҳрамони кичик уйда яшайди ва фақат ҳаёт учун зарур нарсаларни сотиб олишни афзал кўради.
10. Марк Руффало
Марк Руффало машҳур ва муваффақиятли бўлгунга қадар, қийин ҳаётни бошидан кечирган. Ўрта ёшида — ҳаётининг энг гуллаган пайтида унга бош мия ўсимтаси ташхиси қўйилгач, у ҳашаматли турмуш тарзидан воз кечган ва оиласига эътиборини қаратган.
Изоҳ (0)