Узоқ йиллар идеал оила сифатида танилган юлдузли жуфтликлар анча вақт давомида биргаликда умр кечирганига қарамай, баъзан ажралишга мажбур бўлади. Бундай қарорга келишга улардаги шахсий муаммолар, оиладаги кутилмаган бурилишлар ёки шунчаки янги бахтни излаш истаги сабаб бўлади. Қуйида никоҳи 20 йилдан ортиқ давом этганига қарамай, ажримни танлаган машҳурлар ҳақида сўз боради.
Ҳью Жекман ва Деборра Ли Фернесс
Ҳью ва Деборра жуфтлиги 27 йил бирга яшади ва улар доимо турли тадбирларга биргаликда ташриф буюрар эди. Бироқ 2023 йилда улар ҳаётида янги саҳифа очиш истагини билдириб, расман ажрашганини эълон қилишди. Яқинда эса ажралиш сабаби актёрнинг хиёнати бўлган, деган миш-мишлар пайдо бўлди.
Жефф Безос ва Маккензи Скотт
Безос ва Скотт 25 йиллик никоҳдан кейин 2019 йилда расман ажрашди. Уларнинг бу қарори ўша вақтда энг кўп муҳокама қилинган воқеалардан бирига айланди, чунки тадбиркор 5 йил аввал дунёдаги энг бадавлат одам эди. Маккензи ажримдан кейинги мулкни тақсимлашда Amazon компанияси акцияларининг катта қисмини олди. Сўнг у эзгу ишларда фаол иштирок этди ва турли ташкилотларга миллиардлаб доллар маблағ хайрия қилди.
Мерил Стрип ва Дон Гаммер
Мерил Стрип ва Дон Гаммер 1978 йилда турмуш қурди ва уларнинг муносабатлари узоқ йиллар давомида Голливуднинг энг намунали оиласи сифатида тан олинди. Оилада тўрт фарзанд: Генри, Меми, Грэйс ва Луиза дунёга келди. Аммо 2023 йил октябрь ойида эр-хотин олти йилдан ортиқ вақт давомида алоҳида яшаб келгани маълум бўлди. Шунга қарамай, актриса Стрип ажрашгандан кейин ҳам собиқ турмуш ўртоғига ҳурмат кўрсатиб, никоҳ узугини тақишда давом этган.
Крис ва Кейтлин Женнер
Машҳур жуфтлик 22 йиллик давомида бахтли ҳаёт кечирди, аммо 2014 йил декабрида ажрашишга қарор қилди. Бу Кейтлин Женнернинг ўз жинсини ўзгартиришдан бир йил аввал содир бўлди. Крис Женнер эрининг аёл бўлиш истагини тўғри қабул қила олмаган. Шунга қарамай, ҳозирда собиқ турмуш ўртоқлар дўстона муносабатларни сақлаб қолган ҳамда фарзандлари Кендалл ва Кайли учун мулоқот қилишда давом этмоқда. Жуфтликнинг турмуш қуриш ва ажралиш ҳақидаги ҳикояси “Кардашьянлар оиласи” реалити-шоусида кенг ёритилган.
Билли Рей Сайрус ва Тиш Сайрус
Хонанда Майли Сайруснинг ота-онаси 30 йил бирга яшаганига қарамай, ажрашиб кетишган. Сўнг уларнинг иккиси ҳам қайта турмуш қурган. Тиш 2023 йил август ойида актёр Доминик Пурсел билан, Билли Рей хонанда Файроуз билан оила қурган.
Изоҳ (0)