Машҳурлар орасидаги дўстлик мавзуси ҳар доим мухлисларга қизиқ бўлиб келган. Таниқли шахсларнинг ўзаро яқин муносабатлари ҳаётий ва шахсий ҳикояларга бой бўлиб, кўпчиликни илҳомлантиради. Аммо миллионлаб мухлисларга эга бўлиб туриб ҳам, ҳаётда дўстларсиз ёлғиз бўлганлар кам эмас.
Бейонсе
Саҳнада хонанда ўзига бўлган ишончи, қатъияти ва ёрқинлиги билан томошабинларга ажойиб энергия бера олиши билан доим лол қолдирган. Бироқ хонанда онасининг сўзларига кўра, кундалик ҳаётда Бейонсе ўзини бутунлай аксинча тутади — ҳаётда у юмшоқ феълли, меҳрибон ва доим ёрдамга тайёр аёлдир.
Бейонсенинг доимий бандлиги туфайли дўстларга вақт ажратиш учун учун деярли имкони йўқ. Унинг энг яқин таянчи ва суянган инсони — турмуш ўртоғи Jey Z’дир.
Анжелина Жоли
Анжелина Жолининг болалигидан қизлар билан дўст тутинишда қийналган. У асосан ўғил болалар билан яхши келишган ва йиллар давомида бу характери ўзгаришсиз қолган. Актриса учун ҳаётидаги энг муҳим нарса оила эканлигини бир неча бор айтган, шунинг учун у барча бўш вақтини фарзандларига бағишлайди.
Анжелина учун энг яқин ва энг азиз одам унинг онаси Маршелин Бертранд эди, у энг самимий нарсаларни ишониб топшириши мумкин эди. Афсуски, унинг онаси 2007 йилда саратондан вафот этди ва актриса ҳаётидаги ягона дўстини йўқотди.
Ричард Гир
“Чиройли аёл” фильмида Ричард Гир шовқинли тадбирлар ижтимоий фаол ҳаётни яхши кўрадиган, очиқкўнгил бизнесмен сифатида кўрсатилади, аммо актёр ҳаётда умуман бошқача инсон: икки марта ажримни бошдан кечиргач, Ричард Гир буддизм таълимоти билан чуқур шуғуллана бошлади ва оммада камроқ кўриниш берадиган бўлди.
Гирнинг энг яқин одамлари унинг ўғли ва буддизмдаги руҳият устозидир. Ҳозирда актёр журналистлардан ўзини йирор тутади ва ҳатто киноижодкор ҳамкасблари даврасида ҳам камдан-кам кўзга ташланади.
Мадонна
Хонанда яқин дўстлари йўқлигини бир неча бор шахсан тан олган бўлишига қарамай, бўш вақтини ёлғизликда ўтказмайди: у ҳамкасблари билан турли ижтимоий тадбирлар ва шовқинли кечаларга бажонидил ташриф буюради.
Меган Фокс
Америкалик актриса ва модел Меган Фокс кўпинча бошқа одамлар билан мулоқот қилишдан ўзини олиб қочади.
“Мен интроверт одамман, атрофдагилар билан гаплашиш мен учун қийин, шунинг учун менинг турмуш ўртоғим Брайан Остин Грин ягона дўстимдир”, деган эди Меган журналистларга берган интервьюсида.
Наоми Кемпбелл
Британиялик топ-модел Наоми Кемпбелл ҳаётда дўстларсиз ҳам яхши яшаш мумкин, деб ҳисоблайди. У фақатгина бирор инсондан наф ва фойда бўлсагина у билан мулоқот қилишини яширмайди. Бир пайтлар Наоми туғилган куни тадбири учун алоҳида чипталарни сотувга қўйган. Унинг мураккаб феъл-атвори сабаб модел билан узоқ муддатли муносабатларни сақлаб қолиш қийин.
Изоҳ (0)