Эртакларда қурбақалар шаҳзодага айланади, лекин реал ҳаётда бунинг акси бўлса-чи? Маълум бўлишича, янги қурбақа тури шаҳзода Чарльз исми билан аталган экан. Қуйида турли ҳашарот ва ҳайвонларга номи берилган машҳур инсонлар ҳақида сўз юритамиз.
Тейлор Свифт
2022 йил апрель ойида New York Post нашрида Аппалачи тоғларида топилган қирқоёқ ҳақида хабар қилинган. Янги турдаги ҳашарот Гремми мукофотига сазовор бўлган поп юлдуз Тейлор Свифт шарафига Nannaria swiftae деб номланган.
Бейонсе
2012 йилда Австралиядаги Илмий-саноат тадқиқотлари ҳамдўстлиги (CSIRО) томонидан номаълум турдаги сўна (қон сўрувчи йирик пашша) хонанда Бейонсе шарафига Scaptia (Plinthina) beyonceae деб аталган.
Тоби Магуайр
Бейонсе хира пашшага қиёсланганидан хурсанд бўлганми ёки йўқми, билмаймиз, лекин Ўргимчак одам ролини ижро этган актёр Тоби Магуайрнинг реал ҳаётда ўз ўргимчагига эга бўлгани ўринли кўринади.
2015 йилда арахнологлар Юрий М. Марусик ва Алиреза Замани актёр образи шарафига Эронда топилган янги ўргимчак Filistata maguirei деб номланди.
Женнифер Лопес
Entomology Today нашрига кўра, 2014 йилда Пуэрто Рикода кананинг янги турини кашф этган тадқиқот гуруҳи ҳашаротни Litarachna lopezae деб номлади. Уларнинг сўзларига кўра, Женнифер Лопес қўшиқлари ва клиплари жамоани доимо яхши кайфиятда ушлаб тургани учун ҳашаротни айнан Лопес шарафига номлашга қарор қилишган.
Анжелина Жоли
2013 йилда Алабама штатидаги Оберн университетидан Жейсон Бонд ўргимчакларнинг бир нечта янги турларини аниқлаган ва улардан бирини актриса Анжелина Жоли шарафига Aptostichus angelinajolieae деб номлашга қарор қилган, деб ёзади CBS News.
Бред Питт
2016 йилда бир гуруҳ олимлар Жанубий Африкада топилган паразит арининг янги турига актёр номи берилган ва ҳашарот Conobregma bradpitti деб номланган.
Шакира
Ҳашаротлар дунёсида Шакира Питт билан қариндош бўлиб чиқди. 2014 йилда топилган паразит ариларнинг яна бир тури колумбиялик қўшиқчи шарафига Aleiodes shakirae номи берилди. Маълум бўлишича, бундай арининг чақиши ипак қуртини қаттиқ тебратиб юборади, унинг бундай ҳаракати эса тадқиқотчиларга хонанданинг машҳур рақсини эслатгани боис шундай номланган.
Кейт Уинслет
The Guardian нашрининг ёзишича, энтомолог Терри Эрвин 2002 йилда Коста-Рикада топилган заҳарли қўнғизининг янги турини актриса Кейт Уинслет номи билан атаган. Ҳашарот Agra katewinsletae деб номланади.
Стинг
1994 йилда Колумбияда қурбақанинг янги тури аниқлангандан сўнг, Мичиган университетидан Моисес Каплан тропик ўрмонларни сақлаб қолишда хонанданинг меҳнатини эътироф этиб, қурбақани Hyla stingi (ёки Dendropsophus stingi) деб номлади.
Леонардо Ди Каприо
Актёр экофаол ва табиатни муҳофаза қилувчи кўнгилли инсон сифатида ҳам танилган, шунинг учун кўплаб турдаги ҳайвон ва ҳашаротлар унинг шарафига аталган, масалан, қўнғизлар Гроувеллинус леонардодиcаприои ва Metallactus dicaprioi, ўргимчаклар Misumessus dicaprioi ва Spintharus leonardodicaprioi деб номланган.
Изоҳ (0)