“Союзмультфильм” фондига тегишли ва биринчи марта 1969 йил май ойида экранларга чиққан “Сени шошмай тур!” мультфильми болалик хотираларини ёдга соладиган энг машҳур ва қизиқарли лойиҳалардан биридир. Совет даври анимациясининг классик асарига айланган мазкур мультфильмда бўри ва қуённинг кулгили саргузаштлари тасвирланади. Аммо нима учун мультфильмга айнан шу ном берилган?
Биринчи навбатда, мультфильм сарлавҳаси сюжетнинг асосий маъносини акс эттиради. Бўри доимо қуённинг изидан тушиб, уни қўлга киритишга ҳаракат қилади, лекин ҳар сафар муваффақиятсизликка учрайди. Ҳар бир эпизод сўнггида унинг “Сеними, шошмай тур” ибораси қасос олиш ваъдасига ўхшайди. Бу мультфильмга нафақат қизиқарли динамик туйғу беради, балки томошабинларнинг кейинги қисмини кутишига мотивация беради.
Мультфильм ижодкорлари дастлаб унинг номини бошқача қўймоқчи бўлган. Масалан, аввалига лойиҳа “Бўри ва қуён” деб номланган, аммо у одатий ва қизиқ бўлмагани боис ўзгартирилган. “Сеними, шошмай тур” ибораси эса қисқа, лўнда, эсда қоларли ва бош қаҳрамон — бўрининг характерини мукаммал тарзда ифодалаган.
Бундан ташқари, бу сўзлар ўша даврдаги русийзабонлар сўзлашув нутқида жуда машҳур эди. Унинг сарлавҳага киритилиши мультфильмни томошабинларга янада яқинроқ қилди.
Хулоса ўрнида айтиш мумкин-ки, мультфильмнинг “Сеними, шошмай тур” деб номланиши ундаги болаларча шўхлик ва ўйинқароқлик, соддалик, бир оз шумлик кабиларни ифодалайди ва қаҳрамонлар ўртасидаги қарама-қаршиликни ажойиб тарзда ифода этади.
Изоҳ (0)