“Soyuzmultfilm” fondiga tegishli va birinchi marta 1969-yil may oyida ekranlarga chiqqan “Seni shoshmay tur!” multfilmi bolalik xotiralarini yodga soladigan eng mashhur va qiziqarli loyihalardan biridir. Sovet davri animatsiyasining klassik asariga aylangan mazkur multfilmda bo‘ri va quyonning kulgili sarguzashtlari tasvirlanadi. Ammo nima uchun multfilmga aynan shu nom berilgan?
Birinchi navbatda, multfilm sarlavhasi syujetning asosiy ma’nosini aks ettiradi. Bo‘ri doimo quyonning izidan tushib, uni qo‘lga kiritishga harakat qiladi, lekin har safar muvaffaqiyatsizlikka uchraydi. Har bir epizod so‘nggida uning “Senimi, shoshmay tur” iborasi qasos olish va’dasiga o‘xshaydi. Bu multfilmga nafaqat qiziqarli dinamik tuyg‘u beradi, balki tomoshabinlarning keyingi qismini kutishiga motivatsiya beradi.
Multfilm ijodkorlari dastlab uning nomini boshqacha qo‘ymoqchi bo‘lgan. Masalan, avvaliga loyiha “Bo‘ri va quyon” deb nomlangan, ammo u odatiy va qiziq bo‘lmagani bois o‘zgartirilgan. “Senimi, shoshmay tur” iborasi esa qisqa, lo‘nda, esda qolarli va bosh qahramon — bo‘rining xarakterini mukammal tarzda ifodalagan.
Bundan tashqari, bu so‘zlar o‘sha davrdagi rusiyzabonlar so‘zlashuv nutqida juda mashhur edi. Uning sarlavhaga kiritilishi multfilmni tomoshabinlarga yanada yaqinroq qildi.
Xulosa o‘rnida aytish mumkin-ki, multfilmning “Senimi, shoshmay tur” deb nomlanishi undagi bolalarcha sho‘xlik va o‘yinqaroqlik, soddalik, biroz shumlik kabilarni ifodalaydi va qahramonlar o‘rtasidagi qarama-qarshilikni ajoyib tarzda ifoda etadi.
Izoh (0)