«Союзмультфильм» киностудияси «Сеними шошмай тур» мультфильмининг сўнгги визуал тасвирини намойиш қилди. Муҳокама учун 30 дан ортиқ вариантлар тақдим этилган эди, дея хабар беради «Korrespondent.net».
«Ижодий гуруҳимиз узоқ вақт севимли қаҳрамоннинг замонавий тимсолини излади. Шунингдек, образнинг 30 дан ортиқ кўриниши яратилган эди. Асосан, характер хусусиятларининг ўртачасини топиш, шунингдек, классик версияни сақлаб қолишга катта аҳамият қаратилди. Масалан, ҳозирги Қуённинг кўз ранги аввалгиси билан бир хил», − дейди бош продюсер Юлия Осетинская.
Актёр Дмитрий Хрусталев овозлаштириш вазифасини бажармоқда. Мультфильмни қайта ишлашда Қуённинг қулоқлари шакли ўзгарган, мўйловлари йўқ, соч турмаги қўшилган. Одатдагидек яшил костюм ўрнига қаҳрамонлар футболка, шим, крассовка ва қўлида соат билан намоён бўлади.
Шунингдек, Бўрининг тилидан актёр Гарик Харламов гапиради. «Агар бўри тасвирига эътибор берилса, унда бироз салбийлик акс этган, Қуёнда эса аксинча, унинг тасвири юмшоқ ва яхлит. У бир томондан жуда ёқимли, аммо ўзига хос ҳийла-найрангга эга», − дейди киностудия директори Борис Машковцев.
Киностудия 2020 йилда «Сеними шошмай тур» мультфильмининг янги фасли устида ишлашни бошлади. Биринчи мавсум 52 қисмдан иборат бўлиши кутилмоқда. Шунингдек, студия аллақачон учта янги персонаж ҳам қўшган. Улар: бўрсиқ Тим, типратикан Шу ва кийик Уля. Мультфильм классик версиянинг тўғридан-тўғри давоми эмас, у анъанавий диалогсиз комедия жанрини сақлаган ҳолда ҳикоя қилиб беришдан иборат. Мультфильм тақдимоти 2020 йилнинг декабрь ойига режалаштирилган.
Изоҳ (0)