Машҳур актёрлар бадиий фильмларда иштирок этгандан кўра телесериалларни афзал кўришади. Бунинг сабабларидан бири: стриминг хизматлари томошабинлар эътиборини янги лойиҳаларга жалб қилиш учун кино юлдузларига катта гонорар тўлашга тайёр.
Элизабет Мосс
2022 йилда Apple TV+ да премьераси бўладиган “Порлаётганлар” фильмини ўтказиб юборган бўлишингиз мумкин. Кирби Мазрачи (Элизабет Мосс) Чикагодаги газета архивида ишлайди. Кўп йиллар олдин у даҳшатли ҳужумга дучор бўлган ва ундан мўжизавий тарзда омон қолган. Кирбини ўлдирмоқчи бўлган одам ҳали ҳам топилмагани учун у ишни ўз қўлига олади. Элизабет Мосс “Порлаётганлар” сериалининг ҳар бир эпизоди учун 1,1 миллион доллар олган.
Кевин Костнер
2018 йилда Кевин Костнер биринчи марта Paramount Network каналида намойиш этилган “Еллоустоун” сериалида рол ўйнайди. Бу Монтанадаги ранчода — Еллоунтоун миллий боғи ва хаёлий ҳиндулар қўриқхонаси Брокен Рок ўртасида яшайдиган Даттонлар оиласи ҳақидаги ҳикоя. Йирик нефть ишлаб чиқарувчилар ва Брокен Рок қабиласининг раҳбари бу даромадли ер учун курашади. Сериалнинг ҳар бир эпизоди учун Кевин Костнер 1,3 миллион доллар олган.
Крис Пратт
“Галактика қўриқчилари” юлдузи Крис Пратт 2022 йилда Жек Каррнинг шу номдаги романи асосида Amazon компаниясининг “Ўлим рўйхати” сериалида суратга тушади. Бу ўз ҳамкасбларининг ўлими учун қасос олмоқчи бўлган Жеймс Риз ҳақидаги детектив триллер. “Ўлим рўйхати” асосан Праттнинг актёрлигига асосланган бўлиб, у, шунингдек, сериалнинг ижрочи продюсери сифатида ҳам ишлаган. Лойиҳанинг ҳар бир эпизоди учун Крисга 1,3 миллион доллар тўланган.
Кичик Роберт Дауни
2024 йил баҳорида афсонавий жанубий кореялик режиссёр ва продюсер Пак Чан Вукнинг “Ҳамдард” сериали чиқди. Бундан аввал у “Олдбой”, “Ташналик” ва “Кетиш қарори” фильмларини яратган. “Ҳамдард” — 1975 йилда Жанубий Вьетнам ҳукуматининг қулаши ва бунинг АҚШга таъсири ҳақидаги тарихий драма. Сериалда асосий роллардан бирини, тўғрироғи, бирданига тўртта ролни кичик Роберт Дауни ижро этган. Ҳар бир эпизод учун актёрнинг гонорари 2 миллион долларни ташкил этган.
Риз Уизерспун
“Тонгги шоу” Apple TV+ сериалларининг энг қиммат лойиҳаси ҳисобланади. Стриминг компаниясининг стратегияси лойиҳалар томошабинлар орасида жуда машҳур бўлишини таъминлаш учун энг йирик юлдузлар билан узоқ муддатли шартномалар имзолашдан иборат. “Тонгги шоу”да асосий ролларни Риз Уизерспун, Женнифер Энистон, Стив Карелл, Билли Крудап ва бошқа кўплаб машҳурлар ижро этган. Сериалнинг ҳар бир эпизоди учун Уизерспун 2 миллион доллар олган.
Женнифер Энистон
Женнифер Энистон “Дўстлар” телесериалидаги иштироки учун ушбу рўйхатга киритилиши мумкин эди, чунки унинг сўнгги икки мавсумдаги Рейчел роли учун гонорари 1-1,5 миллион долларни ташкил этди. Аммо “Дўстлар”нинг 10-мавсуми учун Энистон “Тонгги шоу”нинг бир фаслидан кўра камроқ даромад олди. Унинг гонорари Риз Уизерспунникидек эди – 2 миллион доллар. Айтганча, Энистон ва Уизерспуннинг бундай юқори гонорар олиши сериал мухлисларига ёқмаган. Сериал мухлислари буни асоссиз юқори маош деб билишган ва Уизерспуннинг айтишича, Apple TV+ да актёрлар суратга олиш учун нега бундай катта пул олишларини тушунадиган ўнлаб ақлли одамлар ишлайди. Унинг сўзларига кўра, негадир одамлар ЛеБрон Жеймс ёки Коби Брайант каби баскетболчиларнинг юқори нархдаги гонорари туфайли ғазабланмайди.
Изоҳ (0)