Marvel фильмлари фақатгина ёрқин махсус эффектлар, қаҳрамонларнинг моҳирона жанглари ва хилма-хил персонажлардан иборат эмас. Ундаги ҳар бир фильм, сценарий ва ва ҳатто оддий бир костюм ортида бир неча ойлик меҳнат, ижодий тажрибалар ва томошабинлар камдан-кам аҳамият берадиган кўплаб кутилмаган деталлар бор.
Саҳна орти суратда актёрлар кулгили вазиятларга ёки турли жисмоний қийинчиликларга дуч келишади. Масалан, Том Ҳолланд учун ўргимчак одам костюмини кийиб-ечиш жуда мушкул бўлгани сабабли актёр кўз атрофидаги тирқишдан сув ичишга мажбур бѳълган.
Marvel фильмларида бир-бири билан жанг қиладиган кўплаб саҳналарда қаҳрамонлар жуда мард ва жасур қиёфада намоён бўлади. Аммо бундай саҳналарни суратга олиш аксарият ҳолларда ҳеч қандай рақибсиз амалга оширилади ва актёрлар шунчаки бўшлиқ билан “жанг” қилишига тўғри келади. Масалан, Капитан Америка фильми сёмкасида актёр Крис Эванс бир неча бор “ўзи билан ўзи” курашган. Қизиқарлиси, актёрлар айнан ким билан жангга тушишини аввалдан билмайди, чунки барча компьютер графикаси кейинроқ пайдо бўлади.
Фильмни яратиш жараёнида қизиқарли ҳолатлар ҳам тез-тез содир бўлади. Баъзида актёрлар жиддий саҳналарда ўзларини кулгидан тўхтата олмай қолиши мумкин. Масалан, Тони Starkнинг дафн маросимидек драматик дақиқаларда ҳам суратга олиш майдонидаги дўстона ва ижобий кайфият сақланиб қолган.
Қуйида ана шундай қизиқарли саҳна орти суратларидан лавҳалар келтирамиз.
Изоҳ (0)