Миллиардерлар кадрда: кинода суратга тушган дунёнинг энг бадавлат одамлари

Баъзи миллиардерлар ўзлари учун мутлақо янги соҳада — киносаноатда ҳам омадларини синаб кўришган.

Дональд Трамп

1990 йилда машҳур режиссёр Крис Колумбус шўх, аммо меҳрибон Кевин Маккалистер ҳақидаги қувноқ Рождество ҳикоясининг давомини суратга олди. Саҳналардан бири бош қаҳрамон адашиб Нью Йоркка келиб қолади ва ҳашаматли “Плаза” меҳмонхонасига жойлашади. Ўша пайтда меҳмонхона АҚШнинг ҳозирги президентига тегишли эди. Айтганча, у доимо томошабинларни ҳайратда қолдиришни яхши кўрарди. Бу сафар ҳам Трамп меҳмонхонасида суратга олишга рухсат бергани учун стандарт тўловдан ташқари, ўзини ҳам актёрлар таркибига киритишни талаб қилади. Бир дақиқалик саҳнада Трамп Кевинга йўл топишда ёрдам беради, бироқ томошабинлар миллиардерни кўриб қолганларидан хурсанд бўлиб, уни илиқ кутиб олишади.

Билл Гейтс

Microsoft асосчиси ҳам тинч ўтирмайди ва унга таклиф этилган барча кинопробаларда фаол иштирок этади. Шундай кастинглар натижасида миллиардер “Катта портлаш назарияси” сериалида иштирок этади. Билл Гейтс ҳатто The Gates Excitation деб номланган сериалнинг 11-мавсуми 18-қисмида ҳам рол ижро этади. Эпизоднинг моҳияти шундаки, бош қаҳрамон Пеннида Гейтс билан учрашиш имконияти туғилади. Бундан ташқари, Билл Гейтс Сан-Францискодаги стартапчилар ҳаёти ҳақида ҳикоя қилувчи “Силикон водийси” сериалининг якуний қисмида ҳам кўриниш беради.

Марк Цукерберг

Марк Цукерберг кинода ўз қиёфасида эмас, балки анимацион тарзда пайдо бўлган. Унинг қаҳрамони “Симпсонлар”ларга олий маълумотнинг аҳамияти ошириб юборилганини уқтиради (миллиардернинг ўзи Гарвардни тугатмаган). Ўз қарашини исботлаш учун Марк Билл Гейтс ва Ричард Бренсонни мисол келтиради. Улар ҳам дипломсиз бўла туриб муваффақиятли бизнесни йўлга қўйган. Саҳнанинг кулгили жиҳати шундаки, аста-секин хонада фақат олий маълумотли фаррошгина қолади.

Жефф Безос

Безос ўз қиёфаси билан экранга чиқармасликка қарор қилади, лекин барибир катта кинода шуҳрат қозонади. Шу билан бирга, оддий томошабин қаршисида сайёранинг энг бой одамларидан бири турганини ҳеч қачон тушунмаган бўларди. Безос “Юлдузли йўл” сагасининг узоқ йиллик мухлиси бўлиб, “Юлдузли йўл: чексизлик”да рол ўйнайди. Тадбиркор ўзга сайёралик қиёфасида чиққани учун уни таниб бўлмайди.

Илон Маск

Ва ниҳоят, барча бойлар ичида энг бадавлати — Илон Маскнинг кинодаги карьераси ҳақида эслаб ўтмаслик мумкин эмас. Маълум бўлишича, Маск ҳам кинода суратга тушишни яхши кўради. 

Маск “Катта портлаш назарияси” эпизодларидан бирида пайдо бўлади. Фильмда у ресторанда идиш-товоқларни ювади ва кимнингдир пирогини ейди.

Шунингдек, “Темир одам-2” суперқаҳрамонлик картинасида миллиардер ўзининг ҳақиқий прототипи Тони Старк билан мулоқот қилади. Кичик Роберт Дауни ўз қаҳрамонининг хусусиятларини айнан Илон Маскдан олганини бир неча бор айтган.

Бундан ташқари, миллиардер Брайан Кренстон ва Жеймс Франко иштирокидаги “Нега у?” комедиясида ҳам иштирок этган. Бу ерда ҳам Маск яна бош қаҳрамоннинг дўсти бўлган ўзини ўйнайди.

Уоррен Баффет

Барча даврларнинг энг машҳур (ва бой) инвестори ҳам кинематографиядан четда қолмаган. Баффет “Офис” сериалининг 7-мавсуми 24-қисмида — Стив Карелл шоусида пайдо бўлади. Айтганча, сюжет бўйича у Каррелнинг ўрнига номзодлар билан суҳбат ўтказади.