Қимматбаҳо автомобиль ва кийимларга ўч эмас: камтарона яшайдиган бадавлат машҳурлар (фото)

Бу актёрлар шунчалик бойки, ҳамма нарсани сотиб олишга қодир. Бироқ улар оддий инсонлар каби камтарона ҳаёт кечиришни афзал кўради, пулни энг керакли нарсаларга сарфлайди ва бошқаларга ёрдам беради. Тhе Voice нашри бой бўлишига қарамасдан, оддий инсонлар каби ҳаёт кечиришни маъқул кўрадиган машҳурлар ҳақида маълумот берди.

Kиaну Ривз 

Голливуд актёри Kиaну Ривз пулни умуман аямайди, бироқ бу харид қилиш ёки ўйин-кулги масаласига тегишли эмас. У ишлаб топган пулининг аксарият қисмини хайрияга ажратади ва ўзига унча кўп маблағ сарфламайди.  

Женнифер Лоуренс

Актриса Женнифер Лоуренс уйда мазали таом истеъмол қилишни афзал кўради, чегирмали товарларни сотиб олади ва унинг гаражида қимматбаҳо спорт машиналари ўрнига оддий Volkswagen ва Chevrolet автомобиллари бор. Женнифер Лоуренс ҳисобидаги миллионлаб долларларни айтмаганда оддий, ўртаҳол яшайдиган актриса. 

Леонардо Ди Каприо

Маблағини тежайдиган инсонлар қаторида шахсий оролига эга бўлган инсонни кўриш ғалати. Шунга қарамасдан, Леони кўп пул сарфлайдиган инсон деб атаб бўлмайди. Голливуд актёри Леонардо Ди Каприо табиатни асровчи юлдузлардан бири ҳисобланади. У пулини қимматбаҳо кийимлар ва машиналарга сарфламайди. Бироқ актёр хайрия учун пулни аямайди, актёр жониворларни қутқариш учун ишлаб топган пулидан маблағ ажратади.

Кира Найтли

Кира Найтли ҳар томонлама оддий яшайдиган инсонларга яқинроқ бўлишга ҳаракат қилмоқда, актрисанинг топаётган маблағи билан бундай ҳаёт тарзини кечириш унчалик осон эмас. Голливуд актрисаси ўзига ойлик лимит қўйган, у бу миқдордан кўп пул сарфламайди.

Кристиан Бэйл

Кристиан Бэйл ўзи ижро этган Бетмэн образидан фарқли ўлароқ, ҳашаматли ҳаётга интилмайди, у миллион долларлаб маблағини хайрия ишларига сарфлайди. Унинг учун яхши ҳаёт — уйи, овқат, сув ва яқин инсонларининг борлиги. “Агар уйимга ўғри бостириб кирса, йиғлаб юборади”, — деб ҳазил қилади актёр. 

Женнифер Гарнер

Женниферга бойлик керак эмас, у бозордан маҳсулот сотиб олади ва энг оддий дўконлардан кийинади. У кўчаларда ҳамроҳсиз юради ва қимматбаҳо машиналардан кўра велосипедни афзал кўради.

Расселл Кроу

Актёр вақтини ва пулини беҳуда сарф қилмасликка қарор қилган. “Мен Австралияда ўзимга ранчо сотиб олдим ва у ерга стресс, дедлайн ва шаҳар шовқинидан узоқда камтарона яшаш учун кўчиб кетдим”, — дейди актёр.