Ёшдаги бир неча йиллик тафовут машҳурларнинг оила қуриши ёки бир-бирига кўнгил қўйишига тўсқинлик қила олмайди. Буни қуйидаги юлдузлар ўз мисолида исботлаган.
Сидни Суини ва Жонатан Давино — 14 ёш фарқ
Сидни Суини ва Жонатан Давино 2018 йилда танишган ва 2022 йилда унаштирилган. Муваффақиятли бизнесмен Давино 27 ёшли актрисадан 14 ёш катта. 2024 йил октябрь ойида Суини Glamour журналига берган интервьюсида қаллиғига молиявий жиҳатдан қарам эмаслигини айтган. У ёшдаги катта тафовутга қарамай, уларнинг муносабатлари жиддий эканини таъкидлайди:
“Сизни яхши биладиган, қадриятларингиз ва фикрларингизни тўлиқ қўллаб-қувватлайдиган одам билан ишлаш ажойиб”, дейди Сидни.
Жеффри Дин Морган ва Ҳилари Бёртон — 16 ёш фарқ
Жеффри Дин Морган ва Ҳилари Бёртон танишганига 15 йилдан ошган, олти йил аввал эса улар муносабатларини расмийлаштирган. Ҳозир эр-хотин Нью Йорк чеккасида истиқомат қилиб, бир қиз ва бир ўғилни тарбияламоқда. Уларнинг шахсий фермаси ҳамда Самуэлъс Сwеет Шоп номли ширинликлар дўкони бор. Вақти-вақти билан актёрлар суратга олиш ишлари ва кинофестивалларда иштирок этади.
Бредли Купер ва Жижи Ҳадид — 20 ёш фарқ
2023 йил июнь ойида Бредли Купер ва Жижи Ҳадиднинг дўстлиги тўлақонли муносабатларга айланди. Улар ўхшаш дунёқараш, болаларни тарбиялаш ҳақидаги фикри ва юқори мартаба каби умумий томонлари борлигини тушунишди. Аввалига жуфтлик ўзларининг муносабатларини барчадан сир тутди, сўнг улар дам олиш кунлари фарзандлари билан турли жойларда сайр қилаётганида папарацсига тушиб қола бошлади. Январь ойида Купер Жижини онаси билан таништирди. Моделнинг яқинлари уларнинг турмуш қуришига қарши эмас.
“Жижи Ҳадид учун қизи ҳар доим биринчи ўринда туради. Унга Бредлининг ота сифатида буни яхши тушуниши ёқади. Моделнинг фикрича, Купер ўтмишда учратган йигитларга қараганда анча масъулиятли одам”, деб ёзади People нашри.
Жейсон Стейтем ва Роузи Ҳантингтон-Уайтли — 20 ёш фарқ
Жейсон 2010 йилда, Калифорниядаги мусиқий фестиваллардан бирида модел Роузи Ҳантингтон-Уайтли билан учрашади ва у актёрни ҳайратда қолдиради. Актёр бир неча бор унга ўхшаган аёлларни ҳеч қачон учратмаганини айтган. Дастлаб ҳеч ким бу севгига ишонмади, мухлислар бу актёрнинг ёш ва гўзал қиз билан узоққа бормайдиган муносабати деб ўйлади. 2016 йилда унаштирув ҳақида эълон қилган жуфтлик 2017 йилда ўғил фарзандли бўлган.
“У эринмай эрта тонг соат 5 да туради, оталик вазифаларини бажаради ва мен яна бир неча соат ухлаб олишимга имкон беради. У жуда намунали ва яхши ота. Бу борада мен жуда омадлиман!”, дейди модел Стейтем ҳақида.
Аарон Тейлор-Жонсон ва Сем Тейлор-Жонсон — 23 ёш фарқ
Аарон Сем Тейлор билан учрашганида 19 ёшда эди. Улар 2008 йилда “Жон Леннонга айланиш” фильмини суратга олиш майдончасида учрашган. Актёр ўша пайтда 42 ёшли Семга эътиборини қаратган. Атрофдагилар бунга қарши бўлса-да, иккиси ҳам муносабатларда жиддийлашиб кетди.
Аввалига кўпчилик ёш актёр режиссёр билан ишқий муносабатда бўлиб Голливудга йўл олмоқчи, деб гумон қилди, аммо вақт ҳамма нарсани ўз ўрнига қўйди. Улар учрашганидан уч йил ўтгач, турмуш қурди ва ҳозирда икки нафар фарзандни тарбиялаб келмоқда. Аароннинг таъкидлашича, унинг рафиқаси ўзидан кўра кўпроқ энергияга эга ва ёшдаги фарқ мутлақо сезилмайди.
“Кўпчилик 20 ёшида қилган ишни мен 13 ёшимда бажариб бўлган эдим. Бу кимдир учун ғайриоддий туюлар, аммо ҳар қандай ёшда ҳаётдан завқ ола билиш керак деб ҳисоблайман”, дейди актёр.
Изоҳ (0)